Read Medumba Yobkwi 41 Bible Online

Yobkwi 41 - Medumba bible

Yobkwi 41

¹Ntshagte yobkwi. Yobkwi David.

²Mènfen b'a yen nà ze ndèn ngayennge' be nko i là! Tshùaben nsi tshu' i mum lé'njù nge'.

³Tshùaben be mbéb i, nke ndem yôg se. A b'a mènfen num nsitsha'a. A ke' be fà i ghakeban ts'a mb'a bwô yub là.

⁴Tshùaben be ntomt'é num kunndà nge', o bèn nke ngo' se sebàn ngokét.

⁵Me tshob ndù: Tshùaben ko ndèn màm. Yate ntù àm, nummbe me lo ghù nukebwô wù.

⁶Ghakeban tshàm be ntshob kebwô num àm, ntshob ndù: A nsi kwù à ndùke? Lén se nsi bi à ndùke?

⁷A be ze mèn se' lôt'àm nà, mb'a lo' ntshob tatte ntse'te nu ndàm, ntum nène, nke ntshob ntshundà.

⁸Njoṅ ghakeban tshàm fa be nzwete tun tô netèt bo num àm. Bo be nkwate ndù nge' àm nsi sat'àm.

⁹Nke ntshob ndù: A ṅab i kua' kebwô. Tshù i là, a nô nsi là, a ke nsi bèn lo.

¹⁰Mba kua' ko' nshun àm ze me na' njab ntù àm num i, a nke njù bàn àm nà, tsho' tun ku i nsi num àm.

¹¹Wù Tshùaben, ko ndèn màm, mbù' àm nsi. Me nsi ba' ju z'a ku'ni num bo là bo.

¹²Me nsi lèn ndù o be nkô àm, a be ze ngakeban ke' tshùa àm nà.

¹³O lo tomt'àm nummbe me b'a mbu'u. O nsi te àm mbwe o yoṅ ntshù'.

¹⁴Ghamte be Tshùaben, Nsi ba Israél, ghamte be yi ngu'ngu'! Amén! Amén! A bwô a be kua' ndùlala.