Read Medumba Yobkwi 42 Bible Online

Yobkwi 42 - Medumba bible

Yobkwi 42

¹Ntshagte yobkwi. Yobkwi bon Koré.

²Ndaṅndaṅ mba njuanyàm be nzwiag ngelaṅ a tshwèt ndiag ntse nu là, Nsi àm, be ndaṅndaṅ ntù àm be nzwiag ndùs'a tshwèt ndiag o là.

³Ntù àm tshwèt nkù num Nsi, num Nsi z'a tswe ntùn nà. Me nsi nène, me nsi ṅwag mbwe Nsi à ndùke?

⁴Ntsenyà màm b'a yàm jujù; mbwôgtshù mba tèttswe'. Ngelaṅ bo be ntshob me njoṅ ndù fa ndù: Nsi o b'a yà là.

⁵Me num nke nkwimte ntùm ntù sobni, ngelaṅ me ke ntôg netèt kamkam nke nèn Ndà Nsi là. Me be nkwimte tshu'te tsiaṅte mba ghamte netèt bwoṅ benntùn mum lé'njù jùa.

⁶Ntù àm, o bot numke? O ke mvètte ntùm bwe numke? Nywinte num Nsi, nummbe me nsi bèn nyàmt'é. A b'a ngayôg àm, mba Nsi àm.

⁷Ntù àm bot tse ntùm bwe, ndùlala me ke ntsin fe ntùm ngô Yordan, fe tà Hermon, fe tà num mbat Mitséar nke nkwimt'a wù.

⁸Mo' mba' ntse be nse' ngwù num mo' mba' ntse. Njoṅ ntu'ntse fa mba njoṅ mba' ntse fa be ntamte nja' num àm.

⁹Tshùaben lo ke mfà kondèn i me mbwôgtshù, me be tèttswe' nke njob kwi ngamt'é yi. Me lo ke mfà le'te Nsi z'a ghù yôg sàm nà.

¹⁰Me tshob Nsi ndù: Ngabloṅ sàm, o lagt'àm numke? Numke me nke nzin ntùm nenywine, bam ngùtni ngakeban à?

¹¹Mvôg màm be mbe'te ntùm bwe ngelaṅ ghatsho' nku màm kebàn be ntshabt'àm, nke ntshob me njoṅ ndù fa ndù: Nsi o b'a yà là.

¹²Ntù àm, o bot numke? O ke mvètte ntùm bwe numke? Nywinte num Nsi, nummbe me nsi bèn nyàmt'é. A b'a ngayôg àm, mba Nsi àm.