Read Medumba Yobkwi 51 Bible Online

Yobkwi 51 - Medumba bible

Yobkwi 51

¹Ntshagte yobkwi. Yobkwi David.

²Ngelaṅ ngantum Nsi Natan na' nèn njen i ndùs'a fàn nu bo Bat-Shéba là.

³O Nsi, ko ndèn màm ntùm bwôntù o! Tshùa njam kondèn o ze ndùb mbwete mfànnu màm.

⁴Sôg àm fafa num mfànnu màm, lànt'àm num nukebwô àm.

⁵Nummbe me lèn mfànnu màm. Nukebwô àm ke mb'a be mbwe njoṅ ndù fa.

⁶Me ghù nukebwô à wù tù' wù, ngù nu z'a ke' bwô là num miag mu, ndùlala o b'a mèn netsin ntùm nkeb ntsha mu, yu tsho'te ntsha b'a kelo'.

⁷Tshù, bo bwe àm à ntùm mfànnu, màa lèl àm à ntùm nukebwô.

⁸Là, o be nkô ndù nenùn be tà mà ntùm ntù àm. Ndùlala ghù ndù zenu tsho num àm.

⁹Lo' nzenyi ndànt'àm yi, me nsi làne. Sôg àm, me nsi fôg tshùa nywin mbaṅ.

¹⁰Soṅ àm tshô ṅwate mba tsiaṅte, ndùlala mvôg màm mi o kôgte là nsi tsiaṅte.

¹¹Tsho' lag so num nukebwô tshàm. Bwete njoṅ mfànnu màm fa.

¹²O Nsi, nabte ntù nelàn mfà me, kamte ywèt neju' ntshu num àm.

¹³Kà ma' àm ngùanesà mbaṅ o. Kà sô ywèt tsho tse nelàn num àm.

¹⁴Fà tsiaṅte z'a fe wù là me. Ywèt ts'a b'a tse bwôntù là tomt'àm!

¹⁵Ndùlala me nsi tswite manze tsho ben tse bo be mfàn nu là; ben kebwô nsi bèn njam tèl o.

¹⁶O Nsi, Nsi ngayôg àm, tshu' àm bu vùkob tshu' àm num nu lem, ndù lém sàm nyàmte nunetsin o.

¹⁷Tshùaben, gha' nkub ntshu màm, ntshu àm nsi tsho ghamt'o.

¹⁸B'o ke tsiaṅte num ju nele't'o yi, a be ze me ton mba ju neton nde't'o yi là, mb'o ke kô.

¹⁹Yàm ju nele't'o yi, a b'a ywèt ts'a be'te là; o Nsi, o ke' be tshèt ntù z'a be'te là, mba ntù z'a tswe zwe là.

²⁰Tshùa njam bwôntù o ngù numebwô mà Sion. Bèn nkut Yérusalém.

²¹Ndùlala o nsi bam jule'te Nsi z'a tsin nà, bam tshu tse bo ton ndo' ngamt'o yi là fafa. A nsi tshùa ndùlala bo fà mfot mfô num tômbwôg neghamt'o yi.