Read Medumba Yobkwi 53 Bible Online

Yobkwi 53 - Medumba bible

Yobkwi 53

¹Ntshagte yobkwi. Num nu ngokét David.

²Nkagni lo tshob ntùm ntù i ndù: Nsi ke bwe. Bo bag, bo fàn nu ts'a bag ntshùate là. Sàm mèn ke bwe z'a be ngù numebwô là.

³Nsi be ntsin tà mfe kamànyam, nke ndôte bon mèn nyiaṅtu, neyen a be ze ta' nzenu tum bwe, nke ndiag Nsi là.

⁴Njoṅ yub fa fàn nze, njoṅ yub fa tsho ntùm nukebwô, sàm mèn ke bwe z'a be ngù numebwô là, mba nda' ta' i ntshù'.

⁵Ghakeban ke' bèn neghù zenu ké? Bo be njù yàm nzwit mèn, ndo' i ngù jujù yub yi. Bo ke' be tsiaṅ lén Nsi.

⁶Bo nsi vètte ntùm bwôg, ndù bwôg ke' ne mbe. Nsi a' sate mvôg ghamfùm. O nsi zwiaṅte yube, nummbe Nsi ghua' yube.

⁷We z'a nsi sô ze netshu' Israél mà Sion à? Ngelaṅ Nsi a' lo' ze nzwit mèn bèn yi njam nà, Yakob nsi be ntùm ṅwate, Israél ke ntsiaṅte.