Read Medumba Yobkwi 6 Bible Online

Yobkwi 6 - Medumba bible

Yobkwi 6

¹Ntshagte yobkwi. Num ndoṅ nse'e. Num nebu' nsa fome. Yobkwi David.

²Tshùaben! Kà naṅ ntsha tu àm ntùm yantù o, kà naṅ ndon tu àm ntùm tshùagntù o.

³Tshùaben, ko ndèn màm, nummbe neta ke me, yat'àm nummbe mvôg màm kôge,

⁴ntù àm tum. Tshùaben! A nsi be ndùlala tà nkum à ndùke?

⁵Tshùaben! Bèn nse' ntshu' zwiag sàm, yôg àm nda' njam kondèn o.

⁶Nummbe be mèn ke kwimt'o a be z'a kwù là, we z'a nsi nyàmt'o ntùm ngô fe ben à?

⁷Me be kua' neshu, njob fa, ntsenyà be nsôg kunndà sàm njoṅ tèttswe' fa, ntsenyà màm be nzwi' kunndà sàm.

⁸Nenywin sènte miag màm fa, ben tse bo be ntsho' nku màm kebàn nà ghù me ywèn.

⁹Bin ghaghù nukebwô, bin lo mbaṅ àm nène, nummbe Tshùaben ju' mba me tshwèt nkua' là.

¹⁰Tshùaben, ju' nze le't'àm, Tshùaben, bam yàm le'te.

¹¹Tuswe ko njoṅ ghakeban tshàm fa, nu tshùa yube, bo kaṅ wut yub, tuswe ghom yub ndende.