Read Medumba Yobkwi 67 Bible Online

Yobkwi 67 - Medumba bible

Yobkwi 67

¹Ntshagte yobkwi. Num ndoṅ nse'e. Yobkwi.

²A bwô ndù Nsi ko ndèn be, mbèn njab kàn be. A bwô ndù a ghù se i ké' num be.

³Ndùlala ndù bo lèn nz'o num nsitsha'a, mbèn ndèn yôg s'a fe wù là, netèt njoṅ ngôngô fa.

⁴O Nsi, ngôngô be ngamt'o! Njoṅ ngôngô fa be ngamt'o!

⁵A bwô ndù ntumntum tsiaṅte, mbe ntùm ṅwate, nummb'o ke ndo' à netsin ntsho'te benntùn yi, nke ntshagte ntumntum num nsitsha'a.

⁶O Nsi, ngôngô be ngamt'o! Njoṅ ngôngô fa be ngamt'o!

⁷Tsha' lo fà tshu ts'a tum ntùm bwe là. Nsi, Nsi yag be njab kàn bag.

⁸Nsi be njab kàn bag, njoṅ ntôg njù fa nsi bwôg i.