Read Medumba Yobkwi 79 Bible Online

Yobkwi 79 - Medumba bible

Yobkwi 79

¹Yobkwi Asaf. O Nsi! Ba tum lo' ntsi' mu. Bo bagte ndà o ze nelàne. Bo lo' Yérusalém ngù fèt ndoṅ yi.

²Bo fà fe ghafa' tsho bon nsaṅ mfe kamànyam num jujù yube. Mfà mbàb wut ben tsho tse nenùn nyàm tse bo be nsitsha' là.

³Bo fètte lem tshob mba ntse là, ndiaṅ Yérusalém yi mbume. Sàm mèn lo ke be z'a tshoṅ yub là.

⁴Bag tù' à ju tshabte mbwe ba ndùla' bag. Ntù' ju komzwi mba ju tuswe mbwe ben tse bo diaṅ yag mbum nà.

⁵Tshùaben, o nsi ya ntù ke tsin tà kum à ndùke? Yantù o nsi ke kù mba mbwôg là tà kum à ndùke?

⁶Sa tshùagntù o mum ngô ts'a ke' lèn o là. Sa yantù o num nufen ts'a ke' be tsiaṅ lén so là.

⁷Nummbe bo ghom Yakob, nsate dù'ntswe i.

⁸Kà bèn nekwimte nukebwô tà njam tshage! A bwô ndù kondèn o se' mbwe bag ndende. Nummbe bag b'a kua' ghayennge'.

⁹Nsi ngayôg yag, ywimte yag num ghamte lén so! Tshu' yage, ndagte nukebwô tshag num nu lén so!

¹⁰Be ba tum tshob ndù: Nsi yub b'a yà numke? A bwô ndù bo lèn mbwe bag, netèt ba tum, ndù o yagte mba' lem ghafa' tsho, lem tse bo na' mfètte là!

¹¹A bwô ndù nzi' kuan tsho se' ntam toṅ o! Tshùa njam bu o ze neta njôg ben tse bo ghebte mbaṅ vù là.

¹²Ba' tshabte ba ndùla' bag bo yoṅ sammbàa tà ntùm ntù tshobe. Me tshob à tshabte tse bo na' ntshabt'o yi là me Tshùaben!

¹³Mbe se' mba yu nzwit mèn nà, bwoṅ nyàm z'a ntùm so kin nà, bag nsi ke ghamt'o matmat. Bag nsi soṅ nkuni mu ngu'ngu'.