Read Medumba Yobkwi 81 Bible Online

Yobkwi 81 - Medumba bible

Yobkwi 81

¹Ntshagte yobkwi, num loṅe, yobkwi Asaf.

²Bin yob kwi ṅwate num Nsi z'a be ze be neta là. Bin tshag nze zin tù, ntsiaṅte num Nsi Yakob!

³Bin yob kwi, bin bu' lammbé, loṅ nsa bo loṅ nse'e.

⁴Bin tô medub num ntshùa ṅwù, num ndun ṅwù, num se be lé'njù jùa.

⁵Nummb'a b'a ntshù' num Israél, ntshù' z'a fe Nsi Yakob là.

⁶A b'a keki s'a yab num Yosèf là. Ngù ndùlala ngelaṅ z'a tum ndà mum ngô Egipto là. Me ju' mo' nze ze me ke' lèn nà.

⁷Me lo tsho'te lèt num nkembe' i. Mbu mi lo num tshu nekele.

⁸O lo kua' me ntùm nge', me tshu' o. Me lo bùnte wù ntùm fambaṅ. Me lo laṅt'o mbaṅ ntse Mériba.

⁹Yàm nzwit mèn, ju' àm, me nsi tshob nu bin. O Israél, a lo mbe ndù be bin ju' àm!

¹⁰A ke' bwô ndù nsi ba ghùn be netèt bin! Kà vù nsi mbwe tse nsi ba ghùn!

¹¹Me b'a Tshùaben Nsi o, ze me na' ngù o tum mà ngô Egipto là. Gha' ntshu o nte nge, me nsi ghù a dune.

¹²Là, ben tshàm lo ke to' ju' nz'àm. Israél lo ke to' ju' ntshu àm.

¹³Ndùlala me lo ghù num bo ndaṅndaṅ mba ntù yub kô là. Bo lo ke nzin num ko' mub ntage.

¹⁴Ah! A lo mbe ndù ben tshàm be nju' àm! A lo mbe ndù Israél tshwèt nzin num tshàm manze!

¹⁵Mb'a be me ghù tuswe ko ghakeban tshob ndende. Mb'a be me bù' bu àm nsi à num ghamaṅte yube.

¹⁶Ben tse bo num mban Tshùaben nà ghù nebatt'é, bwôg yub nsi tswe matmat.

¹⁷Là, mba yi là, me nsi kém yub nsa mebwô, nke ngù bo jù ṅwa' z'a tum mum gholoṅ nà njwèle.