Read Medumba Yobkwi 84 Bible Online

Yobkwi 84 - Medumba bible

Yobkwi 84

¹Ntshagte yobkwi; num Gat. Yobkwi bon Koré.

²Mi' tsho dù'ntswe bwô neshu Tshùaben tàndà ntsho!

³Ntù àm be nkù, nke nkô nebe ntshundà Tshùaben. Ntù àm mba wul àm nke ntshag nz'é tù, nke nkua' Nsi z'a be ntùn nà.

⁴Tshùaben tàndà ntsho, mfen àm mba Nsi àm! ntôgzin be ngù ndà, nganelét ghù nkàn z'a be njab bon tse bwe là mbaṅ ntômbwôg neghamt'o yi.

⁵Ghafen b'a ben tse bo be ntswe ndà o là! Bo ghù neghamt'o mo' yoṅ i.

⁶Ghafen b'a ben tse bo fon yub dù' neyé't'a num o là! Ghafen b'a ben tse bo kô nze ts'a be nèn ndà o là.

⁷Ngelaṅ bo tshwèt ndut tômbo' Baka là, bo ghù a tù' tumnsi ntse, mbwe mbaṅ naṅ mbotni num i.

⁸Neta yub be nkwi'te ngelaṅ bo be nzin nà. Bo be ntsin mbwe Nsi mà Sion.

⁹Tshùaben, Nsi tàndà ntsho, ju' le't'àm. Nsi Yakob kù' ntoṅ.

¹⁰O Nsi, wù z'o b'a tshètntsho yag là. Lôte se yu ngayo' mfèt!

¹¹Mebwô b'a netswe lé'njù ntshù' mum tsho ntshundà, ntshùa netswe lé'njù ntsha' mbùm dù' ghua. Me kô netsin num nkù'ndà Ndà Nsi àm, ntshùa netswe bam ba ntàb ghatshùagntù.

¹²Nummbe Tshùaben Nsi b'a lagnyam mba tshètntsho. Tshùaben be mfà kondèn mba ghamte. A ke' be gha sàm numebwô ben tse bo be nzin ntùm nenùn nà.

¹³Tshùaben tàndà ntsho, mènfen b'a mèn z'a be njab ntù i num o là!