Read Medumba Yobkwi 94 Bible Online

Yobkwi 94 - Medumba bible

Yobkwi 94

¹Nsi yagte mba' b'a Tshùaben! Nsi yagte mba'a, se'e!

²Ngatsho'te ntsha njù, lo nsi! Fà ntsho'fa' mi a ku'ni num mfa' ghako'tewut là bo.

³O Tshùaben, a nsi be ndùlala num ghatshùagntù tà nkum ndùke? Ghatshùagntù nsi tshùa ntsho tà kum à ndùke?

⁴Bo tshwèt ntshobe, bo be ndo' ka'te ntshob yi. Njoṅ benntùn fa bo be ngù nukebwô là tshwèt nyàmte wut yub.

⁵Bo be nyiaṅte yu nzwit mèn me Tshùaben, bo be ngùtni ntsi' mu.

⁶Bo be nsi tô mfôg mènnzwi mba ngùn. Bo be nzwite bontse.

⁷Nke ntshob ndù: Tshùaben ke tshwèt njene. Nsi Yakob ke' te lag bwe.

⁸Ghafemni, bin bàm nà! Kagni, bin nsi zenu à ndùke?

⁹Mèn z'a te toṅ mèn nà ke nsi ju' ké? Mèn z'a te lag mèn nà ke nsi yen ké?

¹⁰Mèn z'a be ntsiagte ngôngô là ke nsi naṅ ntsha tu bo ké? Yi z'a be mfà zenu mènntùn nà ké?

¹¹Tshùaben lèn mi nkwate mènntùn, ndèn ndù men nà b'a banban.

¹²O Tshùaben, mènfen b'a mèn z'o naṅ ntsha tu i là. Z'o be ntswit'é ntùm ntshù' o là.

¹³Ndù o fite ntù i num lé'njù nge', tà nkum ndùse bo tswe' tô num mèn kebwô là!

¹⁴Nummbe Tshùaben ke' be kag ze nzwit mèn; ke be ghua' ntsi' mi.

¹⁵Nummbe tsho'te ntsha nsi b'a num ze njam mèn netsine, njoṅ benntùn fa tse bo ghù netsin nà tsin njam i.

¹⁶We z'a nsi lo nsi num ben kebwô à? We z'a nsi tomt'àm num ghatshùagntù à?

¹⁷Tshùaben lo mbe ke bèn mbe ngaywimt'àm, mba ntù àm nsi tswe ntshu mi' ndende.

¹⁸Ngelaṅ me tshob ndù: Ku àm tiag là! O Tshùaben, mba kondèn o a' tomt'àm.

¹⁹Ngelaṅ nywin gha' mbu ntù àm nà, mba tsho fite ntù a' ghù ntù àm tsiaṅte.

²⁰Ben kebwô ku'ni neghù o tswe num sob ko'fen ké? Bo tse mub nkwate ke' be b'a ntshù' kô là à!

²¹Bo be ntse'te num yôg mèn netsine, nke naṅ ntsha tu lem mbu'u.

²²Là Tshùaben b'a yàm ndàlem. Nsi àm b'a gholoṅ mba ze me be ndem bwe là.

²³A nsi ghù mfànnu mub vù num bo, a nsi tshùa njam nukebwô yub biagte yube. Tshùaben Nsi yag nsi biagte yube.