Read Medumba Yobkwi 96 Bible Online

Yobkwi 96 - Medumba bible

Yobkwi 96

¹ Bin yob kwi nswe mfà Tshùaben! Njoṅ zin fa bin be ntswe num tsha' là yob kwi mfà Tshùaben!

²Bin yob kwi mfà Tshùaben, bin ghamte lén se. Bin ke ntshob nu num yôg se ke faṅ sàm lé'njù.

³Bin soṅ nkuni mi netèt ntumntum, nsoṅ mfa' mi mi nekuni netèt njoṅ benntùn fa.

⁴Nummbe Tshùaben zi neshu, nku'ni ndù bo nyàmt'é neshu. A b'a tonkèt mèn, a b'a mèn ndùb num njoṅ nsi fa.

⁵Nummbe njoṅ tse nsi ba tum fa b'a neto. Là Tshùaben bèn nabte kamànyam.

⁶Nku'ni mba nkuni num mbwe i, ngù mba ghamte be mum ndà i ze nelàne.

⁷Tunndà benntùn, bin fà ghamte mba nku'ni Tshùaben. Bin fà ghamte mba nku'ni Tshùaben.

⁸Bin fà ghamte Tshùaben num nu lén se! Bin lo' tshu bwôntù nse' ntsho yi ntùm tse bam ntshundà.

⁹Bin vù mbwe Tshùaben bin à tshu kwiwut nelàne. Njoṅ benntùn fa tse bo be ntswe num nsitsha' là vètte mbwe i.

¹⁰Bin tshob netèt ba tum ndù: A b'a Tshùaben nke nsa' njù. A féb njù nsi, a ke' ghù nenyi'te. A nsi lo' nenùn tsho'te ntsha ba tum yi.

¹¹A bwô ndù kamànyam tsiaṅte, tsha' ṅwate, dibantse tshu'u, mba ts'a be ntùm bwe là.

¹²A bwô ndù tshwèt ṅwate boa njoṅ tshu fa ts'a bwe là. A bwô ndù mba ntù mi à fèn nà tshag nze yub tù ntùm tsiaṅte.

¹³Ngù ndùlala mbwe Tshùaben, nummb'a tshwèt nse'e. Nummb'a tshwèt nse' tsho'te ntsha njù. A nsi lo' nunetsin tsho'te ntsha njù yi. A nsi lo' nenùn i tsho'te ntsha benntùn yi.