Read Medumba Yobkwi 97 Bible Online

Yobkwi 97 - Medumba bible

Yobkwi 97

¹Tshùaben tshwèt nsa' njù; tsha' tswe ntùm tsiaṅte. A bwô ndù ba ngô tètntse ts'a yàm nga' mbu là tsiaṅte.

²Ndot bo njam diaṅ i mbume. Nunetsin mba nu ndaṅndaṅ b'a nku ko'fen se.

³Mo' mbwôg tshwèt nzin mbwe i, nke nkù ghamaṅt'é ndiaṅ mbume.

⁴Mbeba' mi nke nké' njù, tsha' yen nke mvètte.

⁵Ba mbat nke njag mba zin nà mbwe Tshùaben, mbwe Tshùaben njoṅ nsitsha' fa.

⁶Kamànyam be nsoṅ nunetsin i, njoṅ benntùn fa nke njen nkuni mi.

⁷Tuswe ghom ghafa' ba nsi neto. Bo tse bo be nka'te banban nà, njoṅ ba nsi fa be ngwù nsi mbwe i.

⁸Sion be nju' i ntsiaṅte. Ngonngon Yuda b'a ntùm ṅwate. O Tshùaben, mba num tsho tsho'te ntsha.

⁹Nummb'o b'a Tshùaben, Nsi z'a tà mfe tù num njoṅ nsitsha' fa là, ndù o tshùa njoṅ tsemo' nsi fa neshu.

¹⁰Ben tse bo be nkô Tshùaben nà be mban nukebwô. A be mbéb ntù ben tse tse nelàne, nke ntshu' yub bu ghatshùagntù.

¹¹Nelàn be ndo nsi num mèn netsine, tsiaṅte lo nsi num ben tse bo ghù ntù nenùn nà.

¹²Ben netsine, bin tsiaṅte num Tshùaben, bin ghamte, nyàmte lén se se nelàne.