Read Medumba Yobkwi 98 Bible Online

Yobkwi 98 - Medumba bible

Yobkwi 98

¹Bin yob kwi nswe mfà Tshùaben! Nummb'a ghù mfa' nekuni, bu i ze zwim mba bu i ze nelàn ywimt'é.

²Tshùaben ghù bo lèn yôg s'a fe yi là. A la'te nunetsin i num miag ghakelèn Nsi,

³nkwimte nkôni mi mba nenùn i num ze ndà Israél. Njoṅ ntôgnjù fa yen yôg Nsi yag.

⁴Bin tshag nze zin Tshùaben tù ntùm tsiaṅte, njoṅ zin fa tse bin be ntswe num nsitsha' là. Bin ghù ndù zin ṅwate tum tù, bin yob kwi.

⁵Bin yob kwi Tshùaben num loṅe. Bin ghù ndù zin ṅwate lo' loṅ njob njobkwi yi.

⁶Ndo' nta boa nze medub njob njobkwi yi. Bin tshag nze zin tù ntùm tsiaṅte mbwe mfen Tshùaben.

⁷A bwô ndù dibantse mba tshu ts'a bwe là tshu'te. A bwô ndù njù mba ben tse bo be ntswe ntùm bwe là ṅwate.

⁸A bwô ndù nta'ntse bu' mbu, njoṅ mbat fa tshag nze tsiaṅte tù,

⁹mbwe Tshùaben! Nummb'a tshwèt nse' tsho'te ntsha njù ntùm nunetsine, tsho'te ntsha benntùn ntùm nenùne.