Read Medumba Tànkùt 16 Bible Online

Tànkùt 16 - Medumba bible

Tànkùt 16

¹Ntàmtenu mi ntù ke ngù là ke ndôt'a mènntùn; là mbùn ntshob mi ntshu ke mfà là nke mfe Tshùaben.

²Njoṅ manze mènntùn fa b'a tse nelàn num miag mi, là Tshùaben bèn mfi' ba ntù.

³Lem tsho tshunu Tshùaben ndù ntàmtenu mu bumte.

⁴Tshùaben nabte njoṅ tshu fa mb'a nsi miagte yi là, a nabte mba ngatshùagntù num lé'njù nge'.

⁵Mba we lo z'a ghù ntù ka'te là num mbag Tshùaben, kua' nenùn bo nsi so ntsha tu i kà ke tag.

⁶Bo num ntshùa njam bwôntù bo nenùn mbiagte mfànnu, mèn be ntshùa njam nebwôg Tshùaben nkaṅ mvèn i ntam nukebwô yi.

⁷Tshùaben be mbam tse manze mèn mb'a fà mba ghakeban tse yi.

⁸Mebwô b'a neghù a kag, là mbe ntùm netsine ntshùa neghù yàme là ke yôg mba ntùm netsine.

⁹Ntù mènntùn bèn nke ndo' ze manze, là Tshùaben bèn nke ntshagte nku mi.

¹⁰Ntshob tsham be mbe num nkub ntshu mfen, là, a ke' bwô ndù ntshu i be ze kebwô ndùs'a be nsi kam nà.

¹¹Kilô boa nka kilô mi netsin b'a mi Tshùaben, njoṅ tse lèt bàm fa b'a fa' se.

¹²Nukebwô be mbag fenfen neshu nummbe nunetsin bèn nke ngù kà diaṅkwa ngum nsi.

¹³Fenfen be nkô mèn z'a be ntshob nu ndaṅndaṅ nà;

¹⁴yantù mfen b'a ngantum vùkob! là nga zenu be mbott'é nebotte.

¹⁵Yôg be mbe ndùse se mfen foṅte là, bwôntù b'a mba mbwe mbaṅ ndù dum nà.

¹⁶Mebwô b'a neghù zenu ntshùa gol, nezete bèn mbwô ntshùa silba.

¹⁷Ben ndaṅndaṅ num nkag manze nukebwô nsi. Mèn z'a kô neyôg tu i là num ntsha' ze manze.

¹⁸Nevù ke nzin à njam ko'tewut; netiag be njam ka'te.

¹⁹Mebwô b'a neke mbétni ntùm ntù bin à bônke', ntshùa netamte ngù ntsi' bin à ghako'tewut.

²⁰Mèn z'a be nkù' ntoṅ num ntshob là b'a ngafu'; mèn z'a be ndem wul i à Tshùaben nà b'a mènfen.

²¹Mèn z'a ghù zenu là b'a mèn bo ke ntsiaṅ ngasiaṅte là. Ntshob mu botte mb'o nsi kwi'te yu nelène,

²²nesiaṅte b'a tumnsi ntse yôg num mèn z'a ghù i là; là bà b'a ze nevù ntsha kagni.

²³Ntù nzenu be ngù ntshu i ke ke mvôgte, nkub ntshu mi nke nkwi'te ze nelène.

²⁴Ntshob mebwô ke mb'a mba kub ṅwa' là; a be ntswe'te nzetô mèn mbèn nke ngù mvôg nta.

²⁵Mo' manze be mb'a ze ndaṅndaṅ num miag mènntùn, là, a be miagte ntù' manze vùkob.

²⁶Ngafa' ke mfa' à num tu wul i. Nummbe ntshu i be ntènt'é num bwe.

²⁷Mèn kebwô nabte nge', a be num nkub ntshu i à mba ta' mbwôg z'a tshwèt ndum nà.

²⁸Mèn kebwô be ntènte ntanta, nga ndàm nke nkag fagte netèt shune.

²⁹Ngafètte lem be mfùte mfèl i, ngù a zin ntùm manze z'a ke' bwô là.

³⁰Mèn z'a be memte miag mi nkwate ta' mfùm, mfèt nkub ntshu mi là, yà ghù nukebwô.

³¹Nyiaṅtu fôgtab b'a ta' kétmbùm ghamte; bo ke mfon i à ntùm manze nunetsine.

³²Mèn z'a be ndèt wut num yantù là ta njoṅ ntshùa ta' sa'nde'e, mèn z'a be ta tu wul i là tshùa mèn z'a lo' ntsho ndo' ntusô yi là.

³³Bo ke ma' ba lèn à ntùm ntôg kum, là, netshob mba kelo nke ndôte Tshùaben.