Read Medumba Tànkùt 2 Bible Online

Tànkùt 2 - Medumba bible

Tànkùt 2

¹Nshum àm, tshùb ntshob màm, lé' ntag màm kua' mebwô,

²nke nkù' ntoṅ num zenu, nke mfà ntù o num neju'ni,

³diag zenu, tsiaṅ zenu,

⁴diag i mba mèn be ndiag nkàb là, yoṅ i mba mèn be njoṅ tshunkàb là,

⁵a be z'o ghù njoṅ tshen nà fa là, mb'o nsi lèn ju ze nebwôg Nsi be yi là, mbèn fon ju ze nelèn Nsi be yi là.

⁶Nummbe nelèn bo zete ke ntum à ntshu Mbom, z'a be mfà zenu là.

⁷A be ndem yôg ben tse bo be ben ndaṅndaṅ nà, ndem tshètntsho ben tse bo be nzin ntùm nenùn nà.

⁸A num nkabte tse manze nunetsine, nke ntshètte manze tse ben nenùn fa.

⁹Ndùlala o nsi ju' ju ze nunetsine, nunenùn bo nu ndaṅndaṅ be yi là; mba njoṅ manze fa ts'a be nkum num numebwô là.

¹⁰Ndùse zenu nsi se' tu o, nelèn se ka ntù o nke ndùmt'o là.

¹¹Mba nkwate nsi be num o, zete ke mbéb o.

¹²Nkwate tshu'u num manze nukebwô, ze mènntùn z'a tshwèt ntshob tshô kebwô là,

¹³ntshu' o mbu ben tse bo ghua' ba manze nu ndaṅndaṅ num nezin num manze ts'a tam njam nà,

¹⁴tshen ben nà be ntsiaṅte ntùm neghù nukebwô, nke ṅwate ntùm tshùagntù:

¹⁵Bo ke nzin à num manze tse neṅu'te, num manze tse nelamte.

¹⁶Nkwat'o bo zenu o nsi kabt'o num nzwi tum, num ngon tum z'a ghù ntshob batte là,

¹⁷a be ngua' mandum ze bo yi lo ngon nà, ndagte kàn se bo Nsi i wat là.

¹⁸A be z'o nèn num i là mb'o nèn à ntùm vùkob, ze manze nke nèn à ju fe ben.

¹⁹Sàm mèn netèt ben bo nèn bwe là ke' bèn njam, ke bèn mfon manze yôg.

²⁰Ndùlala o nsi zin num manze ghaghù nukebwô, o nsi tam à num manze ben netsine.

²¹Nummb'a b'a ben ndaṅndaṅ nsi bèn tswe ntùm ngô, ben nenùn nsi bèn ghô bwe.

²²Là, bo nsi sô ghatshùagntù ntùm ngô, tsho' ghatatu bwe à netsho'o.