Read Medumba Tànkùt 22 Bible Online

Tànkùt 22 - Medumba bible

Tànkùt 22

¹Lén ndùb bwô ntshùa nkàb yàme, nelèn njoṅ mèn ntshùa silba bo gol.

²Ngankàb bo mbwoṅ b'a ndaṅndaṅ, a b'a Tshùaben bèn nabte ntu tshob bàa fa.

³Ngazete num njen mba nukebwô se' là nkù ù; là mèn z'a ke' lèn nezete là bémte ntshùa, là, nket nge' i.

⁴Bin bwôg Tshùaben, mbe ghabétni, ndùlala ndù nda' zin be nkàb, mba ghamte bo yôg.

⁵Njô boa njwi' be num manze mèn kebwô là, là ngazete z'a lèn njoṅ yôg se là ke nde' yen manze l'a nele'e.

⁶Tswite mèn manze ntùn ndùs'a tshwèt nto'te yôg là. Ndùs'a nsi tù' njwèn mèn nà, a ke nsi bèn sô ku i bwe.

⁷Ngankàb be nko' tu bwoṅbwoṅ nganjo tù' nkuan mèn z'a tshwèt nkùa i là.

⁸Mèn ywit nuketsin mb'a nsi tsho' nukebwô yen nà nsi b'a nevù ntsha z'a nsi biagt'é là.

⁹Bo nsi tam ntse mèn z'a ghù ntshù neṅwate là nummb'a be mfà ze bàn mbwoṅ num bàn i.

¹⁰O ta' ngatshabte mba tantshu nsi mi: Mba tute bo ntanta nsi tsine.

¹¹Mèn z'a kô neghù ntù nelàne, ngù ntshob mebwô num nkub ntshu mi là, mfen bèn mbe nshun i.

¹²Miag Tshùaben num béb zenu; là, a num nsate ntshob ngamfùm.

¹³Ndô num ntshob ndù: Ngwayit num ntshundà, be me tum a zwi àm num manze!

¹⁴Ntshu kattù bènnzwi b'a ghem z'a tsho neshu là; mba we lo ze Tshùaben ya ntù num i là nsi vù ntùm bwe.

¹⁵Bà num ntàn num mônke', là, shua' netsiagte nu yi sô i nèn ngua' ngùanesà.

¹⁶Mèn ke mfétte mbwoṅ mb'a ke mfà à fen yi; mèn ke mfà ngankàb mb'a ke nekôg i.

¹⁷Kù' ntoṅ nju' ntshob ghazenu, yab ntù o num yàm nesiaṅte.

¹⁸Nummb'a bwô ndù o lem men ntshob là ntù o, a bwô ndù a ke mbe num nkub ntshu mu njoṅ ndù fa.

¹⁹Ndùlala ndù o yab ntù o num Tshùaben, tu wul àm nsi zi't'o sènni, kua' wù.

²⁰Me lo ke yà kite ntag wù boa nkwate ké?

²¹A na' mb'a ndù me tswit'o tshu nenùne, ntshob nenùne, ndùlala ndù o lo' ntshob nenùn mbùnte yi mèn z'a tshwèt ntum o là.

²²Kà fétte me fùag mèn mb'a be mbwoṅ nà, ke bèn mfétte njennge' nzendà ngô.

²³Nummbe Tshùaben nsi tshètte njam yub, biagte yôg ben tse bo na' ndag ntsha' yub là.

²⁴Kà ke njôg shun bin ngayantù, ke ke nzin bin ngafètte lem,

²⁵mbwôg ndù kà ngùninu mi lat num o ntù' ywi' wù num ntù o.

²⁶Kà be netèt ben bo num nkwé bu mèn nà, netèt ben bo num njab tshwèt num ba njo là;

²⁷a be z'o ke' ghù ju netô njo yi là! Mba bo nsi bù' o num kunndà so.

²⁸A ke' bwô ndù o tsho' njwèn loṅ ndùnsi se tà tsho na' nte nsi là.

²⁹O to' yen nkum ngafa' tshwèt fa' ké? A nsi b'a num fa' fenfen ke b'a mbaṅ lamte benntùn.