Read Medumba Tànkùt 31 Bible Online

Tànkùt 31 - Medumba bible

Tànkùt 31

¹Ntshob mfen Lemuél. Ntshob mi màab tshùa njam bwe nzi't'é yi là.

²Nshum àm, me nsi tshob wù à ndùke? Nshum àm, me nsi tshob wù à ndùke lem tshàm? Me nsi tshob wù a ndùke nshum àm, wù ze me num ndo' o ngù nka'ni yi l'à?

³Kà swèn yu ngù' bènnzwi ke swèn manze tsho tshen nà tse bo num ngù fenfen fàn nze là.

⁴A ke' bwô fenfen me Lemuél, a ke' bwô fenfen neke nu ndu', ke bèn mbwô kamkam neke ndiag neta ndu'.

⁵Mbwôg ndù kà bo be nu ndag ntshù' nga tshob mba ju ze ghayennge' ku'ni num bwe là.

⁶Bin fà neta ndu' mèn z'a tù' nekwù là mfà ndu' mèn z'a ghù zwe ntù i là.

⁷A bwô ndù a nu ndagte bwoṅ i ke bèn nekwimte nge' tse.

⁸Gha' ntshu ntshob nu num ketshob ntshob nu num njoṅ benntùn fa tse bo ghua' yub là.

⁹Gha' ntshu o, ndo' nunetsin nsa' kam yi tshètte ze njam njennge' bo mbwoṅ.

¹⁰we z'a ghù nefon mènnzwi nku'ni à? A ta njoṅ ntshùa ba ntôgtse.

¹¹Ndu i num njab ntù num i, ke tag ke jù bin z'a tum bwe là.

¹²Yen mènnzwi là ke ngù à mebwô ndu i ke b'a kebwô a ke ngù ndúlal'a njoṅ ndù fa z'a ke' ntùn nà.

¹³A be ngù nkù ndeb, nkù nyiaṅ nyàm bo ndeb mebwô nke ndo' tsiaṅte ndo' bu i mfa' yi.

¹⁴A b'a mba sitima ntàne, z'a num ndo' ze jujù mfe yi ngùanesà là.

¹⁵A ke ndo nsi à ndùse njù ke' yoṅ ndàn nà, mfà jujù ntùm ze ndà fa, mfà fa' ghafa' tse tse bènnzwi.

¹⁶A num nkwate ta' nà mb'a' jun, ndo' ju a tum ntùm fa' se là mbwe ta' nà ntù ndu' yi.

¹⁷A num ntaṅ neta tun i, nso ngù' ntùm mbu mi.

¹⁸A num nju' nt'u i ndù bin z'a be njù là bwô lambo se ke' be bi ndù tèttswe'.

¹⁹A num njab bu num kekùt ndeb ntu mbu mi nke ntshùb kekùt se ndeb be nse' ndamte bwe là,

²⁰a num mfà bu i njennge', nke mfà bu i mbwoṅ.

²¹A ke' be bwôg mfùag ntùm ndà i, nummbe tunndà i ke nket nzwe à tshub bàa.

²²A num mba' nzwe nfùag, a ghù nzwe ts'a bwô là, tse meba.

²³Bo num ndo' ndu i mebwô num nsém ndùs'a tswe nsi boa ywèn kum benntùn ntù ngô là.

²⁴Mènnzwi là num ntam nkum nke nswène, nke nswèn ba nkob ngatantàne.

²⁵Ngù' bo ghamte tshobte num i, k'a nke nzwi tse num ndamnjù.

²⁶A be ndo' a zenu nga' ntshu i yi tshu a tum ntshu i benntùn nke nzi'te là b'a tse ntùn.

²⁷A be nzi tshùalo num ju z'a tshwèt ntôg ndà i là. A ke' b'a ndô.

²⁸Nshumnshum tse num ndo nsi, ndo' ka'te ntsiaṅ i mènfen, ndu i lo nsi nyàmt'é ntshob ndù:

²⁹Bènnzwi yàm ghù mat nku'ni; là tu wul o tshùa njoṅ yub fafa.

³⁰Fite be nfùte mèn, bwô b'a banban; mènnzwi z'a num mbwôg Tshùaben nà b'a ze bo nsi nyàmt'é là.

³¹Bin lo' bin z'a tum num fa' se là mfà nda' yi yi a bwô ndù mfa' mi nyàmt'é netèt nsém.