Read Medumba Tànkùt 6 Bible Online

Tànkùt 6 - Medumba bible

Tànkùt 6

¹Nshum àm, a be z'o kwé bu mfèl o num nu là, a be z'o bùnte num ze dù' mènghua là,

²a be ze ntshob mi a tum ntshu o kul o là, mba ntshob mi a tum ntshu o là nsi ghom o.

³Nshum àm, a mbe ndùlala o sô bu o bwe, nummb'o vù ntùm mbu mfèl o; nène, ngwù nsi mbwe i nde't'é.

⁴Kà bam ndù laglo tshùa miag o, ke bam ndù nkub miag mu kabte.

⁵Tum bu i mba njuanyàm be ntum bu ngata' yoṅ nà, mba saṅ be tum bu ngabùn nsaṅ nà.

⁶Ndô, nèn mbaṅ ndétndét! Lôte mba bo tshwèt ngù là njene, ntù' nzenu.

⁷Ndétndét ke' ghù mfen, ke ngalôte, ke ngatswite lo.

⁸Mba tà ndùlala ndétndét be ntse'te ze jujù ngelaṅ ntùn, nke nkùmte ju z'a jù là ngelaṅ z'a ku'ni là.

⁹Ndô, o nsi ke nô be nenô tà nkum à ndùke? O nsi bam num miaglo à ngelaṅ ndùke?

¹⁰Ndô bùnte ndù: faṅ me na' nzi meju i, faṅ me na' me' miaglo, Faṅ me na' mfa mbu nzi tonte miaglo.

¹¹Là ndùs'a ke nzi là bwoṅ kab mbu num i mba ta' nganya' dù' là, kekua kab mbu num i mba mèn z'a ghù tshuntshùag là.

¹²Mèn z'a be nzin bo fùte ntshu i là b'a ju banban, mbe ngafànnu.

¹³A be nyu' miag, nke ndo' ku i ntshob nu yi, ndo' ntu mbu mi ntshob nu yi.

¹⁴A b'a nda' kebwô bèn mbe ntù i, a ke' be fite nekwate nukebwô, bo neywit ntanta nsi.

¹⁵A ndùlala ze ze nevù yà ghebte là. Bo nsi be' i ndende, mèn be ke bèn netsiagt'é.

¹⁶Tshu num bwe ntôg tse Tshùaben be mbàn nà, a b'a mba nze tse sammbàa, tshu tse nu tse be mbag i là.

¹⁷Miag ka'te, lém tatte, mbu mi a be mfètte lem mbu' là.

¹⁸Ntù z'a be ntàmte mfi' nukebwô là, nku mi a be nànte neghù nukebwô là.

¹⁹Nkwénta mfùm z'a be ntshob tatte là, bo mèn z'a be ntènte ntanta netèt fètfèt là.

²⁰Nshum àm, tshùb ntag tàan, ke ghua' ze netswite màan.

²¹Taṅ yub ntù o, ntaṅ yub tô o.

²²Bo nsi tshagt'o ndùs'o tshwèt nzin nà, mbéb o ndùs'o be num kunndà so là, ke ntshob nu wù ndùs'o bam num miaglo là.

²³Nummbe ntag b'a ta' lambo, netswite be ta' nelàne, nebem mèn z'a be ntùm netswit nkùn nà b'a manze yôg.

²⁴Bo nsi kabt'o num nu kattù mènnzwi, num lém ngùn mènnzwi z'a tshwèt ntshob ntshob ngwa là.

²⁵Kà te lag ghe'te num i, num bwô i, kà bam ndù nkub miag mi lo' ntù o.

²⁶Nummbe b'o lo' metu' bàn ngom kattù mènnzwi yi, là, mènnzwi nandà z'a be ngù màndà là be mbagte ta' yôg s'a tanjoṅ nà.

²⁷Be mèn lem mbwôg bam nzwe t'a tag ke kù ké?

²⁸Be mèn zin num nge'mbwôge tà nku mi tag ke kù ké?

²⁹A b'a be ndaṅndaṅ num mèn z'a nèn mbaṅ nzwi mfèl i là; mèn z'a kwag i là ke nsi tum bwe banban.

³⁰Bo ke nsi faṅ mèn z'a yi à num nelo' ntomte wul i yi là, a be ze mba nziku' bèn nja i là.

³¹A be ze bo ghom i là, mb'a nsi ba' yen ju là yoṅ tse sammbàa. mb'a nsi fà tshu fa ts'a ndà i là.

³²Mèn z'a ghù màndà bo ta' mènnzwi là ke' ghù tu i; mèn z'a kô nebi là ke ngù a ndùlala.

³³A nsi ghù à nda' keko' bo tuswe. Bo ke nsi bwete tse ze tuswe.

³⁴Nummbe ghe'te be ngù mènntùn tshùag, ke ghù kondèn lé'njù yagte mba'a.

³⁵Bo fà be ke lo netshu' mèn yi mb'a ke lôte, ke bèn mbam nda', mba ndùse o bù a yàm neshu là.