Read Medumba Nzenu 6 Bible Online

Nzenu 6 - Medumba bible

Nzenu 6

¹Me yen mo' mà tshùaya'nu nukebwô num nsitsha' ndù a lo' njoṅ dù' fa.

²K'a mandum ze Nsi fà nkàb yi boa tsemo' tshu yàme, mba ghamte lo, sàm ju ke be bwoṅ yi z'a kô là, nda' ndù Nsi ke bam yi ndù a ke njù, nummbe a b'a ngùn ghù njù, mba mba tshen nà b'a banban, mbèn mbe nu ke ze i.

³Mo' mèn lo bwe yoṅ nkù, mbèn ntswe ngu'njù yàme, mba mb'a na' ntswe yàm nà, ze njoṅ fu' ke yoṅ nku'u, a ke ghù mba nda' dù' z'a nsi kwù bo tshoṅ i bwe là. Me tshob ndù:

⁴Mén ze màab bwe i a kwù là tshùa i, nummbe yen mén nà na' mi nse' tse, mbèn nke nzin tse à ntùm njame. A nsi tshùa num njame bo lèn lén se.

⁵A ke' to' yen ke bèn ndèn nyam, a ghù fite ntshùa mo' mèn.

⁶A na' mbe kà yen mèn ni tswe ngu'njù ntsha' bàa, mb'a lo ke ghù sàm fu'. Njoṅ tshu fa ke ke nèn à nze ntshù' ké?

⁷Mènntùn ke mfa' njoṅ fa' fa à num jujù, nda' ndù nke njù ke ywèt.

⁸Mba ndùlala, ke z'a be nzenu ntshùa nkagni à? Ke ze mbwoṅkét z'a kô yôg ghù à?

⁹A bwô neyen miag ntshùa netsho nkuan ghe'te, nummbe mba tshen nà fa b'a banban, mbèn mb'a neta' mfùag.

¹⁰Mba ke lo z'a na' njà be là, yà ghù ta' lén, bo bèn ndèn ju ze mènntùn be yi là, nda' ndù a ke' ku' nesa' ntsha bo mèn z'a tshùa i là.

¹¹Ke ze mènntùn ghù à? Ntshob num njàme, mbèn ngù nta'nsoṅ yàm nga' mbu.

¹²Mba ndùlala, we z'a lèn ju z'a num mènntùn ntùm yôg se njoṅ lé'njù fa z'a num mi njôge, mbèn nke ntshùa mba netshaṅ i à? We z'a ku' nesoṅ mènntùn ju z'a nsi tù' tshùa ngelaṅ a tôg à?