Read Medumba Nkwi Nkwi 2 Bible Online

Nkwi Nkwi 2 - Medumba bible

Nkwi Nkwi 2

¹Me b'a banjam ntshù' fenjab z'a ntùm lekete' tômbo' là.

²Ndaṅndaṅ mba fenjab z'a be ntùm njô là, a b'a ndaṅndaṅ mba màm nkwatenu be num bonngon nà.

³Ndaṅndaṅ mba tù tàm be netèt ntù mi a be fèn nà, a b'a ndaṅndaṅ mba ndu àm ze me num nkô i be netèt bon bandum nà. Me num nkô, mba m'a' tswe nsi bam netshaṅ i, tàm se bèn mbwô ntshu àm nejù.

⁴A num ngù me tsho ndà ndu', là, ze ju netswit'àm b'a nkôni.

⁵A bwô ndù bin lo' ntàm tù ndu' nkém àm yi, mbèn ndo' tàm nso neta yi num àm, nummbe nzi nkôni tshwèt nja àm.

⁶A lo' bu i ze kwéb ntomte tu àm yi, mbèn ndo' bu i ze zwim ntat'àm yi.

⁷Ngonngon Yérusalém, me tshob bin nkàn mfe num lén ba nyatnyàm boa kwinyàm tse bo be fèn nà mbe: Kà bin bam nkôni màm ke bèn nànt'é ke be ndù a kô mebwô.

⁸Me ju' nze mèn ze me num nkô i là! Tshù a li z'a tshwèt nse' là! A tshwèt mbe se' nke nja' num nkônga, mbèn nke njwèt num dù' z'a ṅate tù là,

⁹ndu àm ze me num nkô i là ke mfut'a nyatnyàm ke mén ngwayit lo. Tshù a li z'a tsin njam ndà bag nke ntshag lag se tôndà nke nya' ju z'a be ntùm ndà là.

¹⁰Nshun àm ze nkôni tshwèt njob kwi nke ntshob me ndù: Lo nsi me yàm kwùntshaṅ z'a tsin ngùa là, nse' mbaṅ àm

¹¹nummbe tshù ndùsàn ni z'a tshwèt mi là; mbaṅ tshwèt nzwimte ntù' ke nemi.

¹²Bo tshwèt njen nsàmtù ntùm ngô, mbèn nke nju' nze bwoṅsaṅ ntùm ngô yage.

¹³Tù mangolo num ngù mangolo tswe, ntun ntù ndu' mi a sàm nà nke ndamte. Lo nsi me yàm kwùntshaṅ z'a tsin ngùa là, nse' mbaṅ àm.

¹⁴Wù yàm bwoṅtambia' z'o lem ntùm gholoṅ nà, wù z'o lemte neshu là, ghù me yen se o, ghù me ju' nze o, nummbe nze o bwô neshu mba se o bèn mbwô neshu.

¹⁵Bin ghom ba fintshu bag, ba bon fintshu tse bo tshwèt mbagte ntù ndu' mi a tshwèt nsàm nà.

¹⁶Nshun àm ze me num nkô i là b'a yàm mèn, me bèn mbe ze, yi nkém mbwoṅ mfà ntse num dù' nenà mebwô,

¹⁷ndonni ze njù neke' ntshùa mba netshaṅ tshu nke nke' nkù mbèn njam nà, wù nshun àm ze me num nkô là, a bwô o fut'a nyatnyàm ke mén ngwayit lo tse bo be num nkônga là.