Read Medumba Nkwi Nkwi 3 Bible Online

Nkwi Nkwi 3 - Medumba bible

Nkwi Nkwi 3

¹Num kunndà sàm, num tèttswe' yàme, me lo ke ndiag mèn ze ntù àm num nkô i là. Me lo diag i, là ke fon i.

²Ndùlala me yen ntù àm ndù a bwô me lo nsi, nkatte ntùm tusô, nèn num ba manze, nèn num ba nsém, nediag mèn ze ntù àm num nkô i là. Me lo diag i, là ke fon i.

³Ghabéb dù' tse bo num nzinte tusô là lo yen àm, me bètte yub ndù: Bin yen mèn ze ntù àm num nkô i là ké?

⁴Ndùse me yoṅ ntôg yub là, me fon mèn ze ntù àm num nkô i là. Me yoṅ ntshùb i ke bèn nkag i. Me tshùb i kà nkum ndùse me lo' i nèn yi ntùm ndà màa, ntùm to'ndà mènnzwi z'a na' ndèl àm nà.

⁵Ménnshum bùnte ndù: Ngonngon Yérusalém, me lo' lén ba njuanyàm boa nkwinyàm tshwèt nkàn mfe yi, kà bin kamte, kà bin kamte nkôni nsi, ke be ndù nkôni yoṅ ndo nsi.

⁶Shun ménngon bètte ndù: A we là z'a tshwèt nko' mfe kônkwa mba bwoṅ nzembwôg à? A ke ntôg à netèt njwèt mire bo ju nelamte, mba njoṅ labinda fa tse ghatantàn num nswèn nà.

⁷Tshù Salomon nà bo tshwèt nkel i nse' yi là. Ba nduku ntu ṅam ntôg diaṅ i mbume. Njoṅ yub fa b'a ba neta bon Israél.

⁸Njoṅ yub fa tshùb ṅwi, ndù bo zi'te yub ntsho. Mba we lo so ṅwi kob i, num nema' ntsho tswe' yi.

⁹Mfen Salomon ghù bo lo' ntshwèn tù Liban nabte keba yi yi.

¹⁰Bo lo' à silba nabte nku mi yi, ndo' gol nabte mvèn i yi, ndo' nzwe meba nabte num diaṅ yi. Ngonngon Yérusalém lo' à nkôni vèn nzwe num diaṅ nà yi.

¹¹Ngonngon Sion, a bwô ndù bin tum nyàmte mfen Salomon, z'a ket ndot ze màab so tu i là. Màab na' nso tu i ndùlal'a mum lé'njù jùa tse: Lé'njù se tsiaṅte be ntù i là.