Read Medumba Esaya 12 Bible Online

Esaya 12 - Medumba bible

Esaya 12

¹O nsi tshob sen lé'njù là ndù: Me nyàmt'o me Tshùaben. Nummb'o lo ya ntù num àm, ndonni ntù o fite, o nke ntagt'àm.

²Yen mbe Nsi b'a ngatshu' àm, me yab ntù àm num i koṅkoṅ, me ke nsi bèn bwôg sàm ju. Nummbe Tshùaben, Tshùaben bèn mbe yàm neta, bo yàm tunu nenyàmte. A yi na' mbèn njôg àm.

³Bin nsi lo' tsiaṅte tu' ntse yi ntùm ntô ntse yôg,

⁴ke ntshob num yen ngelaṅ nà ndù: Bin nyàmte Tshùaben, bin tsiaṅ lén se, bin soṅ ngôngô tshu ts'a ghù là, nkwimte lén se s'a zi neshu là.

⁵Bin ghamte Tshùaben, nummbe tshu ts'a ghù là bwô neshu. Bin ghù njù nsitsha' lèn njoṅ i fa.

⁶Ben bo be Sion nà tshag nze yub tù ntùm tsiaṅte, nke ṅwate! Nummbe ze Mèn Nelàn Israél b'a mèn ndùb netèl o.