Read Medumba Esaya 15 Bible Online

Esaya 15 - Medumba bible

Esaya 15

¹Ntshob Nsi num Moab. Bo na' nsate Ar-Moab à be yen tèttswe' là ze bo na' nsate Moab là, bo na' nsate Kir-Moab à be yen tèttswe' là ze bo na' nsate Moab là.

²Bo ko' nèn ndà nsi mba Dibon, nko' nèn ba mbwe' num nelàne; Moab tshwèt ndàn num Nébo bo Médeba. Bo kom njoṅ tu fa, nkebte njoṅ nyiaṅ ntshu fa.

³Bo kel à nke'mbàm num manze, num ntu mba' num ntàne. Njoṅ yub fa tshwèt ntsham zwe, nke mfètte ntsenyà zwe, nke mfètte ntsenyà.

⁴Hesbon bo Eléalé tshwèt nkua'a, bo nke nju' nze yub tà Yahats; mba tse soyé Moab tshwèt ndàn wut yub. Bwôg mem zwiag sobe.

⁵Ntù àm tshwèt ntsham zwe num Moab, ze ba la' tse tshwèt nkù la' nèn tà nkum Tsoar, Eglat-Shelishija là; nummbe bo tshwèt mbe ko' dù' ko'ko' Luhit nke ndàne, nke nkua' ntùm nge' num manze Horonaïm.

⁶Nummbe ntse mi a Nimrim nà jumte, nenà jum, ke bèn mbile, nenà fi ke' bèn mbe.

⁷A ndùlala ze bo tshwèt nket ju z'a tù' bo, nke nket tshu tshob nèn yi yoṅ fub mebot là.

⁸Nummbe nkua' benntùn lam ndùnsi Moab mbume; nkua' mi nèn tà nkum Eglaim; nkua' mi nèn tà nkum Ber-Elim.

⁹Lem dun ntùm mi ntse Dimon; m'a' tshag nge' nswe num Dimon, m'a' tshag ngwayit num tshé' ba Moab, tse bo tum ntshu vùkob là, num tshé' ngô.