Read Medumba Esaya 17 Bible Online

Esaya 17 - Medumba bible

Esaya 17

¹Ntshob Nsi num Damas. Bo ke nsi bèn siaṅ Damas netèt ntusô. Nummb'a nsi tù' a ta' fam ze bo ghua' là.

²Bo ghua' ntusô mi matmat, ndù bwoṅ nyàm se' nke mfite bwe. Sàm mèn ke nsi z'a b'a ta' yub là.

³A ku' ndùlala num ze kàbngô Efraim bo ze nufen Damas. Tshé' ngô Siria nsi b'a be ntùm lèn nu z'a tsho nkuni Israél là. Tshùaben tàndà ntsho bèn ntshob ndùlala.

⁴Nkuni Yakob nsi fi num sen lé'njù là, nzit wut mi yage.

⁵A nsi be num Israél à mba ntèn ngefet tse ngatsho' tshu tshùbe, mfag ko' ngefet là; tse bo kùmte Refaim nà.

⁶Tshùaben, Nsi Israél tshob ndù: Ndô mbatsi nsi tù' mfe tshaṅ tù bàa ke tat lo ndùse bo kàb mbatsi là, tù' num nkaṅ mi mi a yàm mebwô là ndô kuà ke tàn no.

⁷Mènntùn nsi lôte nze dù' ze mbom i be bwe là sen lé'njù là, miag mi te num Nsi Nelàn Israél.

⁸A ke nsi bèn te miag num ntômbwôg mi mbu mi bèn mbom nà, ke bèn nkaṅte ju ze ntu mbu mi kom nà. Neto Astarté boa bebun lagnyam.

⁹Num sen lé'njù là, ntusô mi mi bo kut kàbngô bwe là nsi b'a mba fam ts'a na' mbe ntùm fèn, num tu mbale, ndù bo ghua', ngelaṅ bon Israél na' nke ndo' la' là. Sàm mèn ke nsi tswe bwe, nummb'a nsi b'a kônkwa.

¹⁰A b'a nummb'o lag Nsi ngayôg o, o ke' bèn nkwimte gholoṅ s'a be yu ndàlem nà. A ndùlala z'o nabte nka' ngùa, mbwe ntù ndu' ba tum nà.

¹¹O lo kut kàb num bwe ndùs'o na' mbwe là, njù yoṅ mbe làn o yen ndù a bit. Là ndonni z'a bwô ndù o tsiaṅte là, ju nekab ke' tum. Ya z'o ghù ntù o là fu se ke' be.

¹²Wé! Ke lèn tshu'te li yen bwoṅ benntùn ni be yi à! Bo ke ntshu' à kua' mba dibantse ke ntshu' là. Ke lèn tshu'te li ze ngôngô be yi à! Bo ke ntshu' à mba ntse ndùbndùb ke ntshu' là.

¹³Ngôngô be ntshu' mba ntse ndùbndùb là. Bo be ntshobte yube, bo kù nèn tà ngùanesà. Nta' yub bo nèn mba nyi'nga ze fet fetmbaṅ fùag i num mbat là, mba mbab mi neta zim tsho' i nsi là.

¹⁴Njam be njoṅ mbe sèn dù' b'a fam. Njù be mbe làn bo ke bèn mbe. Tshù ze bag ben bo ke njé yag là, bag i ze bo fà ben tse bo ke ndag ntsha' yag là.