Read Medumba Esaya 20 Bible Online

Esaya 20 - Medumba bible

Esaya 20

¹A lo be num ngu'njù là, Tartan ze Sargon mfen Asiria tum i là se' Asdod, ma' tusô là ntsho kà ndo' i.

²Num yen ngelaṅ nà, Tshùaben tshùa num ntshu Esaya nshum Amots, ntshob yi ndù: Nèn nkiag bàm z'o taṅ tun o là, nsô nketo' mi o so nku mu là. Esaya ghù ndùlala nzin tunntôg, ke so ju ku i.

³Ndùlala Tshùaben tshob ndù: Ndaṅndaṅ mba ngafa' àm Esaya tshwèt nzin tunntôg, ke so ju ku i fe ngu'njù tat, nelo' mfà lèn bo keki yi Egipto bo Etiopia là,

⁴be ndaṅndaṅ, bo nsi lo' kuan ntsho Etiopia, nguanmèn boa ywèn benntùn nèn Asiria tunntôg, ke sàm ju nku bo, ndù ju ke tun bo, tuswe tshùa bwe nko Egipto.

⁵Yen ngelaṅ nà, ben tse bo ke nywinte num Etiopia, nke njé'te num Etiopia là nsi b'a ntùm bwôg, tuswe bèn nko yube.

⁶Num sen lé'njù là, ben tse bo be yen yoṅ ni là nsi tshob ndù: Tshù mèn be num ndôt'é, nke nzwi't'é nekwé be, a be ze mfen Asiria ṅwag là njene! Be be bèn ntum ntshu i ndonni à ndùke?