Read Medumba Esaya 29 Bible Online

Esaya 29 - Medumba bible

Esaya 29

¹Nge' tu Yérusalém ze bo num ntsiaṅ i Ariél là, nge' tu Yérusalém ze bo num ntsiaṅ i Ariél là! Sen tusô là se David na' ngù dù'ntswe i bwe là! Bin tswe' ngu'njù num mo' ngu'njù. Bin faṅ nà ndù ba jùa tôg a be mb'a ke nto' mbe là.

²Yen nà nsi be tshùa me kab mbu num Yérusalém; nekua' boa netsham zwe nsi be, tusô be num miag màm a mba Yérusalém nà.

³Me nsi kab mbu num o à bag bag, lo' ntshu ntsho lam o yi taṅtaṅ. Me nsi tswe' nsam diaṅ o yi bume.

⁴Bo nsi kôg o fà nsi, ntshob mu tù' ko' à num tsha'a, mbab fam nze men ntshob là. Nz'o nsi tum à ntùm tsha' ndaṅndaṅ mba ze ghamèn nà. O nsi ghô à ntùm mbab kà ke zwete yu nu tun tô.

⁵Bwoṅ ghakeban tsho nsi b'a mba mbab là, yen bwoṅ soyé là nsi b'a mba ba loṅ se fetmbaṅ tshwèt nkel i nèn yi là. Yen nu là nsi tum à ndende, be ke ghubte.

⁶Nevù ntsha nsi fe à Tshùaben tàndà ntsho; a nsi se' à boa mfambaṅ, tsha' nenyi'te bo tshu'te nekuni, boa tonkèt fetmbaṅ, mba la mo' tonte mbwôge.

⁷Ndaṅndaṅ mb'a be mbe num ta' njem, njem tèttswe' là, a nsi b'a be ndùlala num Yérusalém boa bwoṅ ngôngô tse bo nsi ma' i ntsho là, njoṅ benntùn fa tse bo nsi kam i ntsho, kam ze dù' tà mem i bag bag là.

⁸Ndaṅndaṅ mb'a be mbe num mèn ze nziku' ya i, a zi njem mb'a jù tshaṅ là, mbe bam num miaglo bam se b'a nge là, ndaṅndaṅ mb'a be mbe num mèn ze ntù i kù, a zi njem mb'a nu ntse, là, mbe bam num miaglo ndù a bot, njub là, a nsi b'a be ndùlala num bwoṅ ngôngô tse bo nsi se' num mbat Sion, kam i ntsho là.

⁹A bwô ndù nu tshùa zine, bin tshàme, bin mem miag mine, ntù' mfùmiag. Bin bum ndu', ke be ndù bin nu ndu', bin ke ngwù bag bag, là ke be ndù bin nu neta ndu'.

¹⁰Nummbe Tshùaben nsi kag ywèt nônô num bin. A biag miag mine, bin ba ghatshob ntshob Nsi, a kabte tu tsine, bin ghayente.

¹¹Nummbe tshen nu li tse bo la'te bin nà b'a mba ntshob ta' bu' ṅwa'ni se bo te màkwa bwe, mfà mèn z'a lèn nesiaṅe, ntshob ndù siaṅ nà là! Là, a bùnte ntshob ndù: Be me ke siaṅ, nummbe bo te màkwa bwe là.

¹²Ke nebe mba ta' bu' ṅwa'ni se bo fà mèn z'a ke' lèn nesiaṅe, ntshob ndù siaṅ nà là! Là a bùnte ntshob ndù me ke' lèn nesiaṅ no là.

¹³Tshùaben tshob ndù: Yen nzwit mèn ni num nkù'te nse' mbaṅ àm, nke ngamt'àm à ntshu mbèn nke ngamt'àm à nkub ntshu mi; là, ntù i b'a ngùanesà mbaṅ àm. Mba ze nebwôg àm tù' b'a nemi ngù ze mba bo tshob là.

¹⁴A ndùlala, me nsi bèn lab yen nzwit mèn ni njam tshu netshàm boa nsa; zenu tse ghazenu nsi bi.

¹⁵Nge' tu ben tse bo num ndem mub ntàmtenu, nke ndiag nelem Tshùaben yi, nke mfa' mfa' mub ntùm njame, nke ntshob ndù: We z'a yen yag à, we z'a lèn yag à?

¹⁶Zin zwiaṅte ta be! Be bo lo' ntetsha' mba tsha' là ké? Be fa' tshob mbe mèn z'a fa' i là ke bèn mfa' i ké? Be kab tshob ntetsha' mb'a ke' ghù siaṅte ké?

¹⁷A bèn ntù' metsit ngelaṅ Liban kaṅ ntù' nà ntù, bo bèn ndo' nà ntù là mba ta' fèn nà.

¹⁸Ba mbu'ntoṅ nsi ju' ntshob mi a ntùm bu' ṅwa'ni là num sen lé'njù là. Ba mfùmiag nsi yen nze ndùse bo nsi tshu' yub ntùm dù' nesènte mba ntùm njam nà.

¹⁹Ghayennge' nsi tsiaṅte num Tshùaben. Bwoṅbwoṅ nsi lo' Mèn Nelàn Israél mba yub tunu ṅwate là.

²⁰Tshù, ngafètte lem ke bèn mbe, ngatshabte ke bèn mbe. Bo nsi biagte njoṅ benntùn fa tse bo ke nzi tshùalo num nukebwô là.

²¹Njoṅ tshen ben nà fa lo ke ntshùa num ntshob nso ntsha tu tsemo' ben, nke mbùn mba we lo z'a be num nsém num ntsha là nkù. Bo be ndo' mfùm nke mfétte ze nu mbu' yi.

²²A ndùlala, Tshùaben tshob tunndà Yakob, yi z'a na' ntshu' Abraham nà ndù: Neto' ndonni tuswe ke nsi bèn ko Yakob, ndonni se i ke nsi bèn nyamte.

²³Nummbe ngelaṅ ze bon tse nsi yen mfa' mbu màm netèt bo là, mba bo nsi tshob nu num lén sàm, tshob Mèn Nelàn Yakob. Bo nsi bwôg Nsi Israél.

²⁴Ba ntù ke tswe' nsi ghù zenu, ben bo ke nzwete tun tô là zi'te ndène.