Read Medumba Esaya 39 Bible Online

Esaya 39 - Medumba bible

Esaya 39

¹A lo be be num yen ngelaṅ nà, mfen Babilon, Merodak-Baladan, tshag ta' ṅwa'ni bo nda' Ezékia, nummb'a lo ju' nu ngokèt i bo mb'a yate là.

²Ntù Ezékia tsiaṅte, a la'te dù' ze tse tshu ntùn be là ghanze: Silba, gol, mfèt nelamte, mfèt tanjoṅ, njoṅ ze ndà lem tshu ntsho fa boa njoṅ tshu fa ts'a be ze ndà tshunkàb là. Sàm ju mba ntshù' ke tù' ze Ezékia ke' la'te bo ntùm ndà i mba njoṅ tse dù' fa là.

³Esaya ngatshob ntshob Nsi bèn nse' ze mbaṅ mfen Ezékia, ntshob yi ndù: Tshen ben nà tshob mbe ke, bo fe à yà kà nse' mbaṅ o à? Ezékia bùnte ndù: Bo fe à mo' ngô là ndù a sage, bo fe à Babilon.

⁴Esaya bèn ntshob ndù: Ke ze bo yen ntùm ndà o à? Ezékia bùnte ndù: Bo yen mba ke lo z'a be ntùm ndà àm nà. Sàm ju ke ntùm tshunkàb tshàm ze me ke' la'te bo là.

⁵Ndùlala Esaya tshob Ezékia ndù: Ju' ntshob Tshùaben tàndà ntshob li!

⁶Tshù, ngelaṅ nsi se'e, ze bo nsi lo' mba ke lo z'a be ndà o nèn yi Babilon, bo mba ke lo ze tà tsho tse'te tà nse' nkum sènni là. Sàm ju ke nsi tù'ù; Tshùaben bèn ntshobe.

⁷Bo nsi lo' ko' nshumnshum tsho, ts'o bwe là nèn yi Babilon, bo be njab mfen kun bwe, ntùm ndà mfen Babilon.

⁸Ezékia bèn ntshob Esaya ndù: Ntshob Tshùaben mi o tshob là bwô, nummbe fite bo mbétni nsi be num yàm ngelaṅ me ke' ntùn nà.