Read Medumba Esaya 50 Bible Online

Esaya 50 - Medumba bible

Esaya 50

¹Tshùaben tshob ndù: Ṅwa'ni nefagte nandà ze me na' ndo' nsô mà zin yi là yà? Me na' nswèn zin à zit mèn netèt tshàm ghanjo à? A kua' nu nefètte lem na' mbèn nswèn zine. A nukebwô tsin na' mbèn ngù kà bo nsô mà zin.

²Numke me na' nse' ke tèt mèn nsi à? Numke me na' ntsiaṅ mèn ke bùnt'à? Ndù bu àm vôg ta mba b'a tshu' zin nà ké? Me ke' ghù neta nelo' njôg zin yi ké? Ndù me tshob nda' netshob mba dibantse nsi jumte. Me be ndo' ntu' koṅntse nkaṅ tsha' njum yi, kà ngontse ts'a bwe là bwoṅ ntse, nyàm ts'a ntùm bwe là kwù nzi ntse.

³M'a' ma' njam mfe kamànyam ndo' nke'bàm ngù ze nzwe mfùag.

⁴Tshùaben lo fà ntshob ta' ngazi'te nu i me, ndùlala ndù me lèn neke ntomte mèn z'a bot là. A be mbam àm mba zit nkebnjù lo, a be tôte màm ndù me ke nju' ndaṅndaṅ mba ghazi'te be nju' nu yi là.

⁵Tshùaben Nsi gha' ntoṅ màm, me ke tam mvèt, me ke bènte tuntun.

⁶Me lo shù mvèn àm ben tse bo ke ndab àm nà, nshù nge' màm ben tse bo tshwèt ntsho' nyiaṅ ntshu tshàm nà; me lo ke lem se àm tshabte bo nkekùà mi bo ke ntôg bwe là.

⁷Là Tshùaben Nsi lo ywimt'àm; a ndùlala ze me na' mbe ke vù ntùm wag, mfèn ntù, ngù se àm ta mba loṅ nà, nummbe me lo lèn ndù tuswe ke nsi ko àm.

⁸Mèn z'a lo' àm ngù mèn netsin yi là ghebte. We z'a nsi bù' tu i nsi num àm à? Be tsin mbwe diaṅ kam ku ntshù' mba we z'a nsi maṅt'àm à? Ng'é kù'te nse' mbaṅ àm nà di!

⁹Yen mbe Tshùaben Nsi a' ywimt'àm. We z'a nsi so ntsha tu àm à? Bo nsi vùte nsi mfémfé mba nzwe là. Mbàn nsi fèt yube.

¹⁰Mba we lo netèt bin z'a tshwèt mbwôg Tshùaben nà ju' nze ngafa' i! Mba we lo z'a tshwèt nzin ntùm njame, nelàn bwoṅ yi là yab ntù i num lén Tshùaben, nke njé'te num lén Nsi i.

¹¹Tshù, njoṅ zin fa tse bin bat mbwôge, ngù nka' bu bin nà, bin nèn ntùm mbwôg zine, mba ntùm nka' tsin ts'a tshwèt nkù là! Tshen tshu là nsi tum à bu àm kà tsho zine. Bin nsi b'a ntùm tonte ngùtni.