Read Medumba Esaya 55 Bible Online

Esaya 55 - Medumba bible

Esaya 55

¹Njoṅ zin fa tse ntù tsin kù là, bin se' nu ntse; mba mèn z'a ke' ghù nkàb là se'e! Bin se'e, bin jun njù. Bin se'e, bin jun ndu' bo mbùn, ke nkàb bàm, ke fà sàm ju.

²Bin ke nsiaṅ nkàb num ju z'a ke tshwèt nkém wut là numke? Bin ke mfa' num ju ze mèn ke tshwèt njù njwèt là numke? Ndùlala, a bwô bin ju' me, njù ju z'a bwô là, ntù zin nsi jù jujù ntùn.

³Bin kù' ntoṅ, bin se' me. Bin ju'u, ndù ntù zin yôge. Me nsi wat kàn s'a tswe matmat là bag bin, ndùlala ndù me ghù mfu' mi me na' mbù David là be bin.

⁴Yen mbe me lo' i ngù nkwénta yi mbwe ngôngô, a be ngatshagte ngôngô.

⁵Yen mb'o nsi tsiaṅ ngôngô ts'o ke' lèn yub là; ngôngô tse bo ke' lèn o là nsi kù nde se' mbaṅ o, mbe ndùlal'a num Tshùaben Nsi o, num Mèn Nelàn Israél z'a tshwèt nyàmt'o là.

⁶Bin diag Tshùaben ndonni z'a be nsi là. Bin tsiaṅ lén se ndonni z'a ghebte là.

⁷A bwô ndù ngatshùagntù kag manze z'a tshùb là, ngafànnu ghua' nkwatenu mi; a bwô ndù a bèn njam ntèt Tshùaben, a nsi ko ndèn mi. A bèn njam ntèt Nsi be z'a ke' be bot nelagte mfà be là.

⁸Nummbe nkwatenu màm ke b'a mine, tsin manze ke be tshàm. Tshùaben bèn ntshobe.

⁹Manze tshàm nèn tù ntshùa tsin ndaṅndaṅ mba kamànyam nèn tù num tsha' là. Nkwatenu màm bèn nèn tù ntshùa mine.

¹⁰Ndaṅndaṅ mba mbaṅ bo nywinmbaṅ be nswe' mfe kamànyam, ke bèn mbèn mfe bwe, ke be ndù a zwi' tsha'a, ngù tsha' botte, ngù ntù bit, ke be ndù a fà nzwit ju ngaywit ju, mfà jujù ngajù ju là,

¹¹a bèn mb'a be ndaṅndaṅ num ntshob mi a tum ntshu àm nà. A ke' be bèn njam ntèl àm ke be ndù a fa'a, ke be ndù a ghù ju ze me kô là, ke be ndù a ghù ntàmtenu màm bumte.

¹²Ṅ, bin nsi lo' a tsiaṅte tum yi, bo bèn ndo' a fite ntshagte zin yi. Mbat boa nkônga nsi ṅwate, bèt zwi mbwe bin, njoṅ ntù fa mi a tshwèt là nsi bu' mbu.

¹³Tshalon nsi ko' num dù' nka', nga'lon ko' num dù' kwékwénàndô. Yen nà nsi b'a num nkuni Tshùaben. A nsi b'a ghamt'é, be nekwimte z'a ghô matmat là.