Read Medumba Esaya 6 Bible Online

Esaya 6 - Medumba bible

Esaya 6

¹A lo be ngu'njù ze mfen Ozias kwù là, me yen Tshùaben ndù a tswe num diaṅkwa s'a nèn tù neshu là, ntôg kum se dun ntùm ndà Nsi.

²Angél tse lén sob be Sérafim nà tsinte mfe num bwe, ndù mba zit lo ghù mbàb mi ntôge: Mi mbàa num nekabte se i yi mi mbàa num nekabte nku mi yi, mi mbàa num nefùt yi.

³Bo nke ntshag nze yub tù, mo' nke ntshob mo' ndù: Nelàne! Nelàne! Nelàne b'a Tshùaben tàndà ntsho, nkuni mi dun num njoṅ nsitsha' fa.

⁴Nzendà nyi'te, neto' tà num tun tse nsi num nu tshu'te nze z'a be bwe là, nzembwôg dun ntùm ndà.

⁵Ndùlala me tshob ndù: Njennge' mba me là, m'a kwù. Tshù, me b'a mèn ze nkub ntshu mi ke' làn nà; me ke ntswe à netèt ben tse nkub ntshu mub ke' làn nà. Tshù là, miag màm yen mfen Tshùaben tàndà ntsho.

⁶Là, mo' ta' Angél ze lén se be Sérafim nà fùt nse' mbaṅ àm, ndù a tshùb nge'mbwôg bu i ndù a tshwèt nge'e. A lo lo' ju mfét nge'mbwôg là yi à num tômbwôg le'te.

⁷A lo' nge'mbwôg là nkwag ntshu àm yi, ntshob ndù: Yen nge'mbwôg li kwag nkub ntshu mu, ndonni bo bwete nukebwô tsho, mbiagte mfànnu mu.

⁸Me ju' nze Tshùaben nke ntshob ndù: Me nsi tum à we? We z'a nsi nèn num yag tu à? Ndùlala me bùnte ndù: Tshù me li, tum àm.

⁹A tshob me ndù: Nèn ntshob yen ngô li ndù: Bo nsi ju' ke tshùb, yene, ke lèn ju bo yen nà.

¹⁰Ghù ntù yen ngô li sege, ghù ntoṅ mi sôgte, mem miag mi, ndù k'a yen miag mi, ke ju' ntoṅ mi, ke tshùb ju ntù i, ke kaṅ ntù, ndù kà bo yat'é.

¹¹Me bètte ndù: A nsi be ndùlala tà kum ndùke Tshùaben? A bùnte ndù: Tà kum ndùse bo nsi sate ntusô, mèn be ke bèn mbe ntùm mba', njoṅ ngô fa tù' fam nà.

¹²Tà kum ndùse Tshùaben nsi tshag benntùn ngùanesà, ngô tù' kua' mà kuni kônkwa là.

¹³A be ze mba nda' bag benntùn ntshù' num bag gham tù' ntùm ngô là, mba bo nsi biagte mba bo yub. Là mo' ta' nzwit nelàn nsi tum ntùm yen ngô là, ndaṅndaṅ mba kam tun térébintô bo kam tun tshalon ke' be kwù nde ndùse bo keb yub là.