Read Medumba Yérémia 21 Bible Online

Yérémia 21 - Medumba bible

Yérémia 21

¹Tshùaben tshob ntshob mi Yérémia. A na' mb'a ndùse Sédékia tum Pashur nshum Malkiya bo Sofoni nshum Maaséya ngale'te yi là. A tum yub bo tshob yi ndù: A lo be mo' lé'njù mfen Sédékia tum Pashur nshum Malkiya bo Sofoni nshum Maaséya ngale'te me. A tum yub bo tshob me ndù:

²Bètte Tshùaben bag nu; nummbe Nébukanetsar, mfen Babilon tshwèt ma' yag ntsho; be mo' ndù Tshùaben ghù tsemo' nsà tse num tu bag, ndùlal'a nèn ngùanesà num miag mage.

³Yérémia tshob bo ndù: Tshù mbùn ntshob mi bin nsi fà Sédékia li:

⁴Tshùaben, Nsi Israél tshob ndù: Tshu ntsho tse bin ket nke nèn le' mfen Babilon bo ze ba Kaldéa yi njam kàbngô, mba bo lo' zin nà, m'a' lo' njoṅ i fa mbèn yi, nkùmte njoṅ i fa ntùm sen tusô li;

⁵tu wul àm nsi ma' zin ntsho ntùm njoṅ ngù' bu àm ze neta, ndo' à yantù, tshùagntù bo tonkèt yantù kà ma' zin yi ntsho.

⁶Me nsi biagte ben bo be ntswe ntùm sen tusô li là, benntùn boa nyàm, bo nsi kwùt'a ntùm keya' ze ndùb.

⁷Yen nà nsi be tôge, me swèn Sédékia mfen Yuda, ben tse, ngô, bo mba ke lo z'a tum ntshu keya', ṅwi, nziku' là Nébukanetsar mfen Babilon, mba ghakeban tse tse bo na' nke nya' tu i là. A nsi ma'te ntshùag ṅwi, ke tshàm, ke tshàm ndèn, ke ghù kondèn. Tshùaben bèn ntshobe.

⁸Ndùlala, o nsi tshob ngô ndù: Tshù mba Tshùaben tshob li: Tshù, me yab zin mfagte manze yôg bo vùkob.

⁹Mèn z'a nsi tù' ntùm tusô là nsi kwù ṅwi, kwù nziku' ke keya' lo; mèn z'a nsi tum nèn yèn wul i ba Kaldéa tse bo lo' la' là nsi yôg tse. Yôg se nsi be ze ntsha' ntsho.

¹⁰Nummbe me te lag sàm num sen tusô li à num neghù kebwô yi ke b'a neghù mebwô yi, Tshùaben bèn ntshobe. Sen tusô li nsi vù ntùm mbu mfen Babilon, a ton i fa mbwôge.

¹¹O nsi tshob tunndà Yuda ndù: Bin ju' ntshob Tshùaben!

¹²Tunndà David, tshù ju ze Tshùaben tshob li: Bin ghù nunetsin fe nkebnjù, nkwé mèn ze bo tshwèt mfétt'é là bu ngafétt'é. Yen nà b'a netshètte ndù kà yantù kam, ntù' ta' nka' ze mèn ke' ku'ni nebiagte là. A be ndùlal'a num nu tshùagntù zin ntùm nzin mine.

¹³Wù ngatswe tômbo'o, wù gholoṅ s'a be mfe tu tômbo' là, me ke nja ntù à wù. Nummbe bin be nke ntshob ndù: We z'a nsi se' kam yag à? We z'a nsi tsho ntùm tshag ndà lem à?

¹⁴Me nsi so ntsha tu bin, ndaṅndaṅ mba mfa' min lo' be yi là. Me nsi te mbwôg num fèn se, a kù njoṅ dù' fa ts'a ghebte là. Tshùaben bèn ntshobe.