Read Medumba Yérémia 47 Bible Online

Yérémia 47 - Medumba bible

Yérémia 47

¹Ntshob mi Tshùaben na' ntshob ngatshob ntshob Nsi Yérémia num ba Filistia kà Faraon ndab Gaza là.

²Tshùaben tshob ndù: Tshù ntse là mi a fe tu là, men ntse là b'a mba ta' koṅntse z'a dun nà; men ntse là sa ntùm ngô mba num tshu ts'a ntùm ngô là, ntusô boa benntùn tse bo be bwe là. Benntùn tshwèt nkua'a, ba la' tshwèt ndàn wut tshobe;

³a tshùa num ntshu' nku neta nyàmdiaṅ tse, ntshu'te nkalig mi boa maṅ nku mi, ba tà ke bèn nekaṅ wut ndôte bon tshobe, nummbe mbu mub yub neshu.

⁴Nummbe lé'njù se bo nsi biagte ba Filistia là ṅwage. Bo nsi biagte njoṅ benntùn fa tse bo ke nke' be ghanze netèt Tiro bo Sidon nà. Nummbe Tshùaben nsi biagte ba Filistia, biagte tshé' ben tse bo be ngô tètntse Kaftor là.

⁵Bo kom tu Gaza fa, mbiagte Askalon bo tômbo' s'a lam i mbum nà; bin nsi tshebte wut tsin tà kum à ndùke?

⁶Wù ṅwi Tshùaben nsi fit'a ndùke? Tsho mbàn; tsin ndùlala, kà bèn nyi'te.

⁷Be ṅwi tsin ndùke, ndùse Tshùaben tshob nu yi l'à? A tshag i num Askalon bo nkaṅ dibantse.