Read Medumba Ezékia 15 Bible Online

Ezékia 15 - Medumba bible

Ezékia 15

¹Tshùaben tshob me ndù:

²Mén mèn, ntshwèn tù ndu' tshùa mo' a ke, a be bo yab kaṅ tù ndu' netèt memo' ntù mi a fèn n'à?

³Be bo lo' yen ntshwèn nà nabte mo' ju yi ké? Be bo kom kekùt bwe nkwim tù nget ju bwe ké?

⁴Tshù, bo be ma' i ntùm mbwôge, mbwôg kù tu tse bàa, netèl i kù. Be bo bèn ndo' i ngù ju yi ké?

⁵Tshù, ndùs'a ke' nta' i fafa, bo ke lo' i nabte mo' ju yi, kà mbe se' ndonni ze mbwôg ton i, a kù là, be bo bèn ndo' i nabt'a kua' ke lèn ju yi à?

⁶A ndùlala Tshùaben Nsi tshob ndù: Ndaṅndaṅ mba ntshwèn tù ndu' z'a be netèt ntù mum fèn nà, yen ntshwèn nà ze me ma' mbwôg ndù a kù i là, be ndaṅndaṅ me nsi swèn ba Yérusalém.

⁷Me nsi tsho' lag num bo, lo' mvèn àm tam yub yi. Bo tum ntùm mbwôge, mbwôg nsi kù yube. Bin nsi lèn ndù me b'a Tshùaben ndùse me nsi tsho' lag num bo, lo' mvèn àm tam yub yi là.

⁸Me nsi lo' ngô kaṅ kônkwa yi, nummbe bo lo ke be ben nenùne. Tshùaben Nsi bèn ntshobe.