Read Medumba Osé 14 Bible Online

Osé 14 - Medumba bible

Osé 14

¹Bo nsi naṅ ntsha tu Samaria, nummb'a bù' tu i nsi num Nsi i. Bo nsi watte yub ṅwi. Bo nsi zwite bon tshobe. Bon nsi keb mbam zwi tshob tse bo be jùm nà ṅwi.

²Israél, bèn njam ntèt Tshùaben Nsi, nummbe o vù nsi à num mfànnu mu.

³Lo' nda' ntshob ntshu nse' yi, mbèn njam ntèt Tshùaben. Tshob yi ndù: Lagte njoṅ mfànnu mag fa, ndo' yag mebwô. Nummbe bag a' faṅ nefà ba nyàm wù, ndo' a nenyàmt'o nkub ntshu mag nse' yi.

⁴Ze Asiria ke nsi yôg yage, bag ke nsi ko' num ba nyàmdiaṅe, ke bèn netshob mfa' mbu mag ndù, Nsi yag! Nummbe ménntse ke njen kondèn à mbaṅ o.

⁵Me nsi tsiagte ghatatu, kô yub ngô ntù àm fa; nummbe me tsho' yantù àm num bo.

⁶Me nsi be Israél mba meme' là, a nsi sàm mba kanyam nà. Israél nsi taṅ nga mba ntù Liban nà.

⁷Nkaṅ mi nsi sage, a te' mbwô mba ten nà, labinda i be mba ze ntù Liban nà.

⁸Bo nsi se' bèn tswe bam netshaṅ àm, bo bèn dù' nsa, bo nsi sàm mba tù ndu' là; bo nsi ju' lén sob mba ndu' Liban nà.

⁹Ke ze Efraim bèn nke' ngù bo neto à? Tu wul àm me be mbùnte yi, nke ndôt'é. Me be yi à mba tshom s'a te' là. O ghù neyen ndô tshom num àm.

¹⁰Mèn z'a be nkummèn nà zete num tshen tshu là, ngazenu ju' men ntshob li. Nummbe tse manze Tshùaben tsin ndaṅndaṅ; ben netsin nsi zin num bwe. Là ghatatu nsi vù num bwe.