Read Medumba Nesiaṅe 1 Bible Online

Nesiaṅe 1 - Medumba bible

Nesiaṅe 1

¹Tshùaben tshob Mosé num kônkwa ntùm ndà mbumte, num mbwe lé'njù ntùm mbatte maṅwù bàa, ntùm mbatte ngu'njù bàa mba bo tum Egipto là ndù:

²Bin siaṅ njoṅ ntse'te bon Israél, tunndà tunndà, be mba tà tshobe na' nke mbe yi là, nke ndo' ta' mèn netèt bandum fa.

³Neto'te num ngu'njù ṅam mbàa mba tse bo tôg là, mba we lo netèt ba Israél ze mb'a ma' kô là. Bin Aron nsi siaṅ yube be nkam nkam ntùm ba ndà manjô be mba bo be là.

⁴Bin nsi lo' ta' mandum num tu nzwit mèn, ngatô tunndà ba tà tshobe.

⁵Tshù ndèn bandum tse bin à bo nsi be li: Num ndà Rubèn, bin lo' Elitsur nshum Shéda.

⁶Num ndà Siméon, bin lo' Shelumamel Tshuri Shadal,

⁷Tunndà Yuda: Naskron, nshum Aminadab.

⁸Tunndà Isakar: Nétanél, nshum Tsuar.

⁹Tunndà Zabulon: Bin lo' Eliab, nshum Hélon.

¹⁰Num bon Yosèf, Manasé: Bin lo' Elishama, nshum Amihud, num tu Manasé bin lo' Gamliél nshum Pédatsur.

¹¹Num tu Benjamin: Bin lo' Abidan, nshum Guideoni.

¹²Num tu Dan: Bin lo' Ahieza, nshum Amishada.

¹³Num tu Aser bin lo' Pagiel, nshum Okran.

¹⁴Num tu Gad: Bin lo' Eliasaf nshum Deul.

¹⁵Num tu Néftali: Bin lo' Ahira, nshum Enan.

¹⁶Tshen ni b'a benntùn tse bo tsiaṅ yub ntùm mbumte ngag mèn num tunndà ba tà tshobe, ngatô benntùn ntsha'ntsha' netèt ba Israél là.

¹⁷Mosé bo Aron lo' tshen benntùn tse bo na' ntsho' yub ndèn nà.

¹⁸Bo tsiaṅ ntse'te fafa num mbwe lé'njù num mbatte maṅwù bàa. Bo su ndèn mub ntùm ṅwa'ni be mba tunndà be yi là, be mba nzwit yub be yi là, nke ndo' ta' mèn num ndèn yàme, ndo' num ngu'njù ṅam mbàa, mba tse bo tôg là.

¹⁹Mosé siaṅ benntùn num mbat Sinaï: be mba Tshùaben na' mbètte ndù a ghù là.

²⁰Bo su nshumnshum Rubèn, tuswe Israél be mba tunndà be là, mbe mba ba tà tshobe na' ntum nà, nke ndo' ta' mandum num tu bandum fa, neto'te num ngu'njù ṅam mbàa mba tse bo tôg là, tse bo ku'ni nema' kô là.

²¹Benntùn num tunndà Rubèn tse bo na' nsiaṅ nà lo kum ntsha' ntshob ntôge ṅam nkuà ngù nkù tàn.

²²Bo su ndèn bon Siméon, be mba tunndà be yi là, be mba ba tà tshob na' ntum yi là, bo lo' ta' mandum num tu bandum fa ntùm tunndà, neto'te ntùm ngu'njù ṅam mbàa, mba tse bo tôg là, tse bo ku'ni nema' kô là.

²³Bandum tse bo na' njen ntùm nesiaṅ tunndà Siméon yi là, na' mb'a ntsha' ntshob bwe'e ṅam ntàn ngù nkù tat.

²⁴Bo su ndèn bon Gad, be mba tunndà be là, be mba ba tà tshob na' ntum nà, neto'te num ngu'njù ṅam mbàa, mba tse bo tôg là, njoṅ benntùn tse bo ku'ni nema' kô là.

²⁵Benntùn tse bo na' njen num nesiaṅ tunndà Gad là, na' mb'a ntsha' ntshob tàn ṅam nkuà ngù nkù ntôge ṅam ntàn.

²⁶Bo su ndèn bon Yuda be mba tunndà be là, be mba ba tà tshob na' ntum nà, neto'te num ngu'njù ṅam mbàa, mba tse bo tôg là, tse bo ku'ni nema' kô là.

²⁷Benntùn num tunndà Yuda tse bo na' nsu ndèn mub là, na' mb'a ntsha' ntshob kuà ṅam sammbàa ngù nkù ntôge.

²⁸Bo su ndèn bon Isakar be mba tunndà be là, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là.

²⁹Benntùn num tunndà Isakar tse bo su ndèn mub là na' mb'a ntsha' ntshob kuà ṅam ntàn ngù nkù kuà.

³⁰Bo su ndèn bon Zabulon be mba tunndà be là, be mba ba tà tshob na' ntum nà, neto'te num ngu'njù ṅam mbàa, mba tse bo tôg là, tse bo ku'ni nema' kô là.

³¹Benntùn tse bo nsiaṅ tunndà Zabulon njen nà na' mb'a ntsha' ntshob sammbàa ṅam ntàn ngù nkù kuà.

³²Bo su ndèn Yosèf, bon Efraim, be mba tunndà be là, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là.

³³Bon Efraim tse bo na' nsiaṅ njen nà na' mb'a ntsha' ṅam nkuà ngù nkù tàn.

³⁴Bo su ndèn bon Manasé tunndà tunndà be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là.

³⁵Ben Manasé tse bo na' nsiaṅ nà na' mb'a ntsha' ntshob bàa ṅam ntat ngù nkù bàa.

³⁶Bo su ndèn bon Benjamin tunndà tunndà, fe num ba tà tshob, neto'te num ngu'njù ṅam mbàa mba tse bo tôg là, tse bo ku'ni nema' kô là.

³⁷Ben Benjamin tse bo na' nsiaṅ nà na' mba ntsha' ntshob tàn ṅam ntat ngù nkù kuà.

³⁸Bo su ndèn bon Dan tunndà tunndà, be mba ba tà tshob na' ntum nà neto'te num ngu'njù ṅam mbàa mba tse bo tôg là, tse bo ku'ni nema' kô là.

³⁹Bon tunndà Dan tse bo na' nsiaṅ njen nà na' mb'a ntsha' ntshob bàa ṅam ntôge nkù sammbàa.

⁴⁰Bo su ndèn bon Aser tunndà tunndà, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là.

⁴¹Ben Aser tse bo na' nsiaṅ njen nà na' mb'a ntsha' ntshob ntshù' ṅam nkuà ngù nkù tàn.

⁴²Bo su ndèn bon Néftali tunndà tunndà, be mba ba tà tshob na' ntum nà, neto'te num ngu'njù ṅam mbàa mba tse bo tôg là, tse bo ku'ni nema' kô là.

⁴³Ben Néftali tse bo na' nsiaṅ njen nà na' mb'a ntsha' ntshob tat ṅam ntàn ngù nkù kuà.

⁴⁴Tshù nesiaṅ benntùn tse Mosé bo Aron boa benntùn ntshob bà gham, ngag mèn netèt ba Israél, ta' mandum num tu ba tà tshob là.

⁴⁵Njoṅ tshen bon ba Israél, tse bo na' nsiaṅ tunndà tunndà, neto'te num ngu'njù ṅam mbàa mba tse bo tôge, tse bo ku'ni nema' kô là, tum ntsha' nkù ntôge ngù ntsha' bon tàn nkù tàn.

⁴⁶Njoṅ ben bo siaṅ yub là tum ben ntsha' nkù ntôge, ntsha' tat ngù bon tàn nkù tàn.

⁴⁷Benntùn num tunndà Lévi, fe num tunndà ba tà tshob, lo ke su ndèn mub ntùm yen nesiaṅ nà.

⁴⁸Tshùaben lo tshob Mosé ndù:

⁴⁹O ke nsi siaṅ tunndà Lévi, o ke nsi siaṅte yub netèt ba Israél.

⁵⁰Ghù ndù ben Lévi ke ndôte be nda' ndà mbumte. Kwénta boa tshu nefa' fa' yi ndà, boa njoṅ tshu fa ts'a be ndà là. Bo a' ghù nket yen ndà mbumte là boa tshu fa', nke ndo' mfa' fa' yi, nke nkut mbàn yub yi, ndiaṅ yen ndà là mbume.

⁵¹Bo a' ghù mbe nène, ben Lévi tsho'te yen ndà mbumte là, nkum dù' ze bo nsi tswe bwe là, nabte nte tù. Bo nsi zwi mènghua z'a ghebte mbaṅ bwe là.

⁵²Bon Israél nsi tswe mba we lo ntùm ze mbàn, mba zit mèn lo mbaṅ ngô, tswe be manjô manjô.

⁵³Ben Lévi nsi kut mbàn yub, ndiaṅ ndà mbumte mbume, ndù kà yantù Nsi kamte num ntse'te bon ba Israél. A b'a ze ntsha bon Lévi nelôte yen ndà lèn bumte kwénta là.

⁵⁴Tshù ju ze bon ba Israél na' ngù là, bo ghù be ndaṅndaṅ mba Tshùaben na' ntshob Mosé ndù a ghù là.