Read Medumba Nesiaṅe 26 Bible Online

Nesiaṅe 26 - Medumba bible

Nesiaṅe 26

¹Yen nge' là be tshùa, Tshùaben tshob Mosé mba ngale'te Eléazar, nshum Aron ndù:

²Bin siaṅ njoṅ ntse'te tunndà ba Israél fa, njoṅ benntùn fa tse bo kum ngu'njù ṅam mbàa mba tse bo tôg là, bo fa' num ntshu ntsho Israél.

³Mosé bo ngale'te Eléazar tshob bo ntùm tômbo' Moab, nkaṅntse Yordan, neghebte mbaṅ Yériko.

⁴Bo nsi siaṅte benntùn tse bo kum ngu'njù ṅam mbàa mba tse bo tôg là, mba Tshùaben na' ntshob Mosé là. Tshù bon Israél tse bo na' ntum Egipto là li:

⁵Rubèn, tuswe Israél, mén Rubèn. Tunndà Hamok fà ba Hamok; Palu fà ba Palu;

⁶tunndà Hesron fà ba Hesron, Karmi fà ba Karmi.

⁷Tshù mba tunndà Rubèn na' mbe là; njoṅ yub fa na' mb'a benntùn 43730.

⁸Nshum Palu na' mb'a Eliaf,

⁹nshumnshum Eliaf be: Némuél, Datân bo Abirâm. A b'a yen Datân bo Abirâm nà, na' mbèn mbe kamkam, mbèn mbe mbwe benntùn neta tu mbwe Aron mba Mosé boa njoṅ bwoṅ benntùn njam Koré ngelaṅ ze bo na' nta tu mbwe Tshùaben nà.

¹⁰Tsha'a gha' ntshu i mi yube, mba Koré ngelaṅ ze bwoṅ benntùn na' nkwù, mbwôg kù benntùn bon tàn nkù bàa, bo be mfi' là.

¹¹Bon Koré lo ke kwù.

¹²Bon Siméon, njam tunndà Némuél fà ba Némuél, tunndà Yamin fà ba Yamin, tunndà Yakin fà ba Yakin,

¹³tunndà Zéra fà ba Zéra, tunndà Shaul fà ba Shaul.

¹⁴Tshù mba tunndà ben Siméon be là. Bo tamte fa mbe benntùn 22 200.

¹⁵Bon Gad, tunndà tunndà: Tunndà Séfon fà ba Séfon, tunndà Hagui fà ba Hagui, ze Shuni fà ba Shuni,

¹⁶tunndà Ozni fà ba Ozni, ze Eri fà ba Eri.

¹⁷Ze Arod fà ba Arod, ze Areéli fà ba Areéli.

¹⁸Tshù tunndà Gad là. Bo tamte mbe benntùn 40 500.

¹⁹Nshumnshum Yuda: Er bo Onàn. Er bo Onàn na' kwù à ntùm ngô Kanaan.

²⁰Tshù nshumnshum Yuda li tunndà, tunndà: Tunndà Shéla fà ba Shéla, ze Pèrès fà ba Pèrès, ze Zéra fà ba Zara.

²¹Tshù nshumnshum Pèrès li: tunndà Hesron fà ba Hesron, ze Hamul fà ba Hamul.

²²Tshù ba tunndà Yuda be là. Bo tamte mbe benntùn 76 500.

²³Bon Isakar tunndà, tunndà: tunndà Tola fà ba Tola, ze Puva fà ba Puva.

²⁴Ze Yashub fà Yashub, ze Shimron fà ba Shimron;

²⁵tshù tunndà Isakar là. Bo tamte mbe benntùn 64.300.

²⁶Nshum Zabulon, tunndà, tunndà: tunndà Sérèd fà ba Sérèd, ze Elon fà ba Elon, ze Yalél fà ba Yalél.

²⁷Tshù tunndà ba Zabulon nà. Bo tamte mbe benntùn 60 500.

²⁸Ben Yosèf tunndà, tunndà: Manasé bo Efraim.

²⁹Nshumnshum Manasé, tunndà Makir fà ba Makir. Makir bwe Galad. Tunndà Galad fà ba Galad.

³⁰Tshù nshumnshum Galad li: Tunndà Yézer fà ba Yézer, tunndà Hélék fà ba Hélék.

³¹Tunndà Asriél fà ba Asriél, ze tunndà Shekém fà ba Shekém.

³²Tunndà Shemidà fà ba Shemidà, ze Héfer fà ba Héfer.

³³Sélofad, mén Héfer na' ke ghù mén mandum, là ngù nda' bon bènnzwi. Ndèn ngonngon Sélofad na' mb'a Mala, Noa, Holga, Milka bo Tirsa.

³⁴Tshù mba tunndà Manasé be là. Bo tamte fa mbe benntùn 52 700.

³⁵Tshù nshumnshum Efraim li tunndà, tunndà: tunndà Shutéla fà ba Shutalit, ze Beker fà ba Béker, ze Tahân fà ba Tahân.

³⁶Bèn njen nkùndà Shutéla li: nkùndà Erân fà ba Erân.

³⁷Tshù mba nkùndà bon Efraim be là. Bo tamte mbe benntùn 32 500. Tshù mba bo na' nsiaṅ tunndà, tunndà ze ntôndà Yosèf be là.

³⁸Nshumnshum Benjamin tunndà, tunndà: tunndà Béla fà ba Béla, ze Ashbél fà ba Ashbél, ze Ahirâm fà ba Ahirâm.

³⁹Ze Shufâm fà ba Shufâm, nkùndà Hufâm fà ba Hufâm.

⁴⁰Nshumnshum Béla na' mb'a Ard bo Naaman. Tunndà Ard fà ba Ard, ze Naaman fà ba Naaman.

⁴¹Tshù mba bo na' nsiaṅ ze ntôndà Benjamin bo be là. Bo tamte mbe benntùn 45 600.

⁴²Tshù ben Dan, tunndà, tunndà li: tunndà Shuhâm fà ba Shuhâm. Tshù mba ntôndà Dan na' mbe ngelaṅ ze bo siaṅ yub tunndà, tunndà là.

⁴³Tunndà ba Shuhâm na' tamte fa mbe benntùn 64 400.

⁴⁴Ntôndà Aser: Tunndà Imna fà ba Imna.

⁴⁵Ze Ishevi fà ba Ishevi, ze Béria fà ba Béria.

⁴⁶Lén ngon Aser na' mb'a Séra.

⁴⁷Tshù mba ntôndà ben Aser be là. Bo tamte fa mbe benntùn 53 400.

⁴⁸Nshumnshum Néftali tunndà tunndà: Tunndà Yasél fà ba Yasél, ze Guni fà ba Guni.

⁴⁹Tunndà Yéser fà ba Yéser, ze Shilém fà ba Shilém.

⁵⁰Tshù mba bo na' nsiaṅ ntôndà Néftali tunndà tunndà bo be là. Bo na' tamte mbe benntùn 45 400.

⁵¹Njoṅ ntôndà Israél fa tamte mbe benntùn 601 730

⁵²Tshùaben tshob Mosé ndù:

⁵³A b'a netèt tshen tunndà li ze bo nsi ghabte ngô là. Bo nsi fà mba ze we lo mba ben tse be yi là.

⁵⁴O nsi fà dù' yàm tunndà z'a yàm nà, mfà metsili tunndà z'a kag là, nke mfà mba we lo mba ze tunndà be là.

⁵⁵Bo nsi tam à tô kà ghabte tsha' yi. Mba we lo nsi ghù ze bag i be mba tunndà ba tà tshob be là.

⁵⁶A b'a tô bèn lèn ju ze bo fà benntùn bo yàme mba benntùn bo kag là.

⁵⁷Tshù mba bo siaṅ ntôndà Lévi njen tunndà tunndà li: Tunndà Gerson fà ba Gerson, ze Kéat fà ba Kéat, ze Mérari fà ba Mérari.

⁵⁸Ba Lévi na' bèn ngù ba Libna, ba Hébron, ba Makli, ba Mush, mba ba Koré. Kéat na' bwe Amram.

⁵⁹Lén nzwi Kéat na' mb'a Yokebèd, ngon Lévi z'a bwe i Egipto là. Bo Amram lo bwe bon tat: Aron, Mosé mba mfèt yub ze mènnzwi Miriam.

⁶⁰Aron bwe Nadab, Abihu, Eléazar mba Itamar.

⁶¹Nadab bo Abihu kwù, nummbe bo lo lo' nge'mbwôg ngebte yi mbwe Tshùaben.

⁶²Tunndà Lévi tamte mbe benntùn 23 000 nesiaṅ njoṅ yub fa tse bandum mba tse bènnzwi, neto'te num ta' maṅwù. Bo lo ke siaṅ yub netèt bon ba Israél, nummbe bo lo be ghabte tsha' ke fà yube.

⁶³Tshù nesiaṅ benntùn ze Mosé bo ngale'te Eléazar na' nsiaṅ bon Israél yi tômbo' Moab, nkaṅntse Yordan neghebte mbaṅ Yériko là.

⁶⁴Sàm mén Israél mba ntshù' ze Mosé bo ngale'te Aron na' nsiaṅ i ngelaṅ ze bo na' nke nsiaṅ bon Israél num kônkwa Sinaï là na' ke be netèt bo num yen yoṅ nesiaṅ ni.

⁶⁵Nummbe Tshùaben na' ntshob mbe bo a' kwùte fa num kônkwa, kà tù' à nda' Kaléb, mén Yéfuné mba Yoshua mén Nun.