Read Medumba Nesiaṅe 34 Bible Online

Nesiaṅe 34 - Medumba bible

Nesiaṅe 34

¹Tshùaben tshob Mosé ndù:

²Tshob bon ba Israél ndù: Ngelaṅ ze bin nsi tsho ntùm ngô Kanaan nà, tshù mba ngô z'a be zin ju ntsi' là li: Ngô Kanaan boa tse ndùngô.

³Zin ndù i bag mà ntèn nsi to' à num kônkwa Sin nèn nkum Edom. Bag mbinyam, zin ndù i nsi to' à ndù dibantse ngwa,

⁴ndù i bèn nkeb kù'kù' bag mà ntèn nko' nkum Akrabim, ntôg Sin nèn nkum mà tun Kadèsh-Barnéa, ndo bwe ntshùa Hasa-Adar nèn nkum Asmon;

⁵ndo Asmon, ndù i kù' kaṅntse Egipto nèn miagte mà dibantse;

⁶nse' num ndùngô netèt mà ntèn bo mfe tu, a' kum à num ntse diba, tshù zin ndùngô bag mbinyam nà.

⁷Tshù mba zin ndù i nsi be bag mfe tu li: Bin nsi tete ndù i neto't'a ntùm dibantse nèn nkum num mbat kônga Hor;

⁸ndo num mbat kônga Hor ndù i nèn nkum Lebot-Hamat,

⁹ndo bwe, ntshùa Zifron nemiagte Hasar-Enan. Tshù mba zin ndùngô nsi be bag mfe tu là.

¹⁰Mbe se' num zin ndùngô bag mbinyam, bin nsi te ndù i neto' Hasar-Enan nèn nkum Séfam;

¹¹ndù i to'te Séfam nswe' mà Ribla, Ain be ze bag mbinyam, mbe ndù i bo yi, nswe' be ndùlala tà nèn nkum num nkônga mi a be bag mbinyam dibantse Kinnéret,

¹²nemiagte, a swe' tà nkum mà Yordan nèn miagte mà ntùm dibantse ngwa. Tshù mba zin ngô nsi be là boa ndù i.

¹³Mosé tshob bon ba Israél ndù: Tshù ngô ze bin nsi tam tô kà ghabte yi li, ngô ze Tshùaben na' ntshob ndù a' fà tunndà bwe'e mba mo' bag ngô num tunndà Manasé là.

¹⁴Tunndà Rubèn mba ze nzwit, mba tunndà bon Gad mba ze nzwit, mba mo' bag tunndà Manasé lo yà ghù yub dù' tsha'a.

¹⁵Tshen tunndà bàa là, mba mo' bag tunndà Manasé yà ghù yub ju ntsi' mo' yoṅ ntse Yordan. Bo Yériko be yoṅyoṅ, num bag ntumnyam.

¹⁶Tshùaben tshob Mosé ndù:

¹⁷Tshù ndèn benntùn tse bo nsi ghabte ngô bin ni. A b'a ngale'te Eléazar, bo Yoshua nshum Nun.

¹⁸Bin nsi lo' ta' ndùb mba num zit tunndà lo, num neghabte ngô.

¹⁹Tshù ndèn benntùn nà li: Num tunndà Yuda, bin lo' Kaléb, mén Yéfuné,

²⁰nse' num tunndà bon Siméon, ndo' Shemuel, nshum Amihud;

²¹nse' num tunndà Benjamin ndo' Elidab, nshum Kislon;

²²nse' num tunndà bon Dan, ndo' Buki, nshum Jogli;

²³nse' num bon Yosèf num tunndà bon Manasé, ndo' Hanniél, nshum Efod;

²⁴nse' num tunndà bon Efraim, ndo' Kemuel nshum Siftan;

²⁵nse' num tunndà bon Zabulon, ndo' Elisafan, nshum Parnark;

²⁶nse' num tunndà bon Isakar, ndo' Patiél, nshum Azan;

²⁷nse' num tunndà bon Aser, ndo' Ahihud, nshum Shéloni;

²⁸nse' num tunndà bon Néftali, ndo' Pedahél, nshum Amihud.

²⁹Tshù benntùn tse Tshùaben na' mfà neta bo ndù bo ghabte ngô bon ba Israél ntùm ngô Kanaan nà.