Read Medumba Nahum 1 Bible Online

Nahum 1 - Medumba bible

Nahum 1

¹Tshù ntshob ngatshob ntshob Nsi Nahum ze Elkosh, num Ninive li: Tshù ṅwa'ni njem tse li.

²Tshùaben b'a Nsi lànghe'e, a be njagte mba'a; Tshùaben be njagte mba'a, a dun tshùagntù. Tshùaben be njagte mba' num ghamaṅt'é. A be ndem ghakeban tse ntùm ntù i.

³Tshùaben be ndèt wut num yantù. A b'a mèn ndùb num neta i. A ke' be tag ke naṅ ntsha. Tshùaben be nzin ntùm fetmbaṅ, ntùm zim; ndot b'a mbab nku mi.

⁴A be ntam mbwôg ntshu dibantse ngù a jum, a be ngù nta'ntse zwimte; Basan bo Karmél yub, nsàm nenà Liban lab.

⁵Ba mbat be mvètte mbwe i, nkônga nke nkôgte. Tsha' lo nsi mbwe i, njù mba ben bo be ntswe ntùm bwe là.

⁶We z'a nsi bù' tu nsi mbwe tshùagntù i à? We z'a nsi tsin tù mbwe tonkèt yantù i à? Tshùagntù i sa mba mbwôg là; ngondoṅ nke mbe'te mbwe i.

⁷Tshùaben b'a mèn mebwô. A b'a ndàlem mum lé'njù nge', a lèn ben tse bo be njab ntù num i là.

⁸Là, a nsi lo' nkoṅntse ts'a nsi fag là sate ngô yi, yoṅ ghakeban tse tà nèn nkum ntùm njame.

⁹Be bin tàmt'a ke num Tshùaben, yi z'a ku'ni nebiagte zin fa l'à? Nge' ke nsi tum yoṅ bàa.

¹⁰Bin fà be nefà mba nka' ts'a ke' fi là, mba bin nsi kù ndaṅndaṅ mba bèn z'a jum nkate là.

¹¹Mèn z'a ke ntàmte kebwô num Tshùaben nà tum à netèl o, Mèn z'a ghù nkwate kebwô là.

¹²Tshùaben tshob ndù: mba mba bo nabte wut tshob njam nà, bo nsi tsho' yube, biagte yube. Me kô nekab tu o nsi, me ke zi mbèn nkab tu o nsi.

¹³Me nsi kebte kele' se s'a tô o là num tô o. M'a' kebte njoṅ nkù tsho fa.

¹⁴Tshù nu ze Tshùaben tshob num o li: O ke nsi bèn ghù nzwit ts'a be bo lo' lén so nèn yi mbwe là; m'a' sô neto tù mba ze tùn ts'a be ntùm ndà nsi o là. Me nsi nabte fi so, nummb'o fùag neshu.