Read Medumba Matio 3 Bible Online

Matio 3 - Medumba bible

Matio 3

¹Ntùm tshen lé'njù là, Yohané nganyu' benntùn ntse tum, nke ntshob ntshob Nsi num kônkwa Yudéa,

²ntshob ndù: Bin kaṅ ntù tsine, nummbe nufen kamànyam à ghebte.

³A yi ze Esaya ngatshob ntshob Nsi na' ntshob ndù: Nze mèn kua' mà kônkwa ntshob ndù: Bin nabte manze Tshùaben, ndate bon manze tse, ngù a tsine.

⁴Yohané lo ghù nzwe i ze bo lo' nyiaṅ kamél nabte yi là, mba kob ngub tun i; jujù i na' mb'a ngamntàn bo ṅwa'a.

⁵Njoṅ ba Yérusalém fa, njoṅ ba Yudéa fa mba njoṅ ngôngô fa ts'a be mbaṅ Yordan nà tum, nèn ntèl i,

⁶mbam nukebwô tshobe, a nyu' yub ntse Yordan.

⁷A be yen mba ba Férésia mba ba Sadukai yàm tshwèt nse' num kwéntse là, ntshob bo ndù: Nzwit ngamnyu, we bèn ntshob bin ndù bin kù yantù z'a nsi se' l'à?

⁸Bin yam tàm nekaṅ ntù s'a ku'ni là.

⁹A ke' bwô bin ke ntshob ntùm ntù tsin ndù: Abraham b'a tà yag, nummbe me tshob bin ndù Nsi ku' nekaṅ men ndoṅ ni, ngù bon Abraham yi.

¹⁰Ne mbe be, bo à yab njàm num nga ntù. Ndùlala, njoṅ ntù fa mi a ke' yam ntàm mebwô là, bo num nkeb i ma' ntùm mbwôge.

¹¹Tu wul àm, me ke nyu' zin à ntùm ntse ndù bin kaṅ ntù tsine; là mèn z'a tshwèt nse' njam àm nà ta ntshùa àm, me ke' ku'ni neket nketo' mi. Tu wul i nsi nyu' zin à ntùm Ywèt Nelàn mba mbwôge.

¹²A ghù ke'te i bu i, a nsi ke'te njoṅ nsa fa mi bo tsham nà, tse'te nsa ntùn yab ntùm nta, là ton nga' mi ntùm mbwôg z'a ke' be bi là.

¹³Yésu lo Galiléa nèn ntèt Yohané Yordan ndù a nyu' i ntse.

¹⁴Là Yohané gha, ntshob ndù: O bèn nku' nenyu' àm ntse, o bèn nse' m'a ndùke?

¹⁵Là Yésu bùnte ntshob yi ndù: Faṅ nà, be ghù ndùlala ndonni, nummbe a bwô ndù be ghù njoṅ nunetsin fa bumte. Ndùlala, Yohané faṅ.

¹⁶Ngelaṅ Yohané nyu' i ntse là, be ndùse Yésu tum ntse. Tshù, kamànyam gha' nte nge, a yen Ywèt Nsi swe', nse' num i ndù a fute bwoṅsaṅe.

¹⁷Tshù, nze mèn fe kamànyam, ntshob ndù: Yen ni b'a Mén àm ze me num nkô i, mbèn njab ntù àm fa num i là.