Read Medumba Marko 16 Bible Online

Marko 16 - Medumba bible

Marko 16

¹Sabbat lo be tshùa, Maria Magdaléna, Maria mà Yakobo mba Salômé jun mfèt labinda ndù bo nèn nse' Yésu yi.

²Kua' mà nkebnjù num mbwe lé'njù ntùm ngabnjù, bo nèn nkum ntshu fi, ngelaṅ nyam tum nà.

³Bo nke ntshob bo bo ndù: We z'a nsi tsho bwoṅte loṅ be ntshu fi à?

⁴Bo be bù' miag mube, njen ndù bo bwoṅte loṅ nà, nummbe a lo ghu' neshu.

⁵Bo tsho ntùm fi, njen mo' ménnshum ndù a tswe num bag zwim, nket nzwe fôgtab. Bo bwôg neshu.

⁶Là, a tshob bo ndù: Kà bin bwôg. Bin diag à Yésu ze Nazarèt ze bo kwimt'é num fanta'tù là: A bam num vù, a ke b'a nsen ni. Tshù dù' ze bo yab i bwe li.

⁷Là bin nèn ntshob ghazi'te nu i mba Pétro ndù: Bin nèn mà Galiléa, a bwôgmbwe bwe, bin nsi yen i bwe ndaṅndaṅ mb'a na' ntshob bin nà.

⁸Bo tum, nkù nèn ngùanesà mbaṅ fi, nummbe bwôg lo tshùb yube, bo bèn mvètte. Bo ke soṅ sàm mèn nu, nummbe bo lo ke mbwôg neshu. [

⁹Yésu lo num vù à nkebnjù mbwe lé'njù ntùm ngabnjù, mbwôgmbwe ṅwag à Maria Magdaléna z'a na' nta' ywètkebwô nze sammbàa num i là.

¹⁰A nèn nsoṅ yen nu là ben tse bo à bo be, ntswe ntùm nge' mba ntùm ntsenyà là.

¹¹Là ngelaṅ bo ju' ndù Yésu b'a ntùn ndù a yen i là, bo ke bam.

¹²Yen nu là lo be tshùa, Yésu bèn ṅwag num mo' mat ghua ben bàa netèt bo tse bo be num manze, nke nèn mà tshwèt là.

¹³Tshen ben ni bèn njam, nsoṅ tsemo'o, là bo ke bam mba tshen nà.

¹⁴A bèn mbe be mànjam, Yésu ṅwag tse ntshob ntshù' gham, ngelaṅ bo tswe téblé là, a tshobte yub num yub nebe ke bam mba mba bo nen ntù tshob, ke bam ben tse bo yen i, ngelaṅ a lo num vù là.

¹⁵A tshob bo ndù: Bin nèn ntùm njoṅ njù fa, ntshob nkùn mebwô njoṅ benntùn fa.

¹⁶Mèn z'a nsi bame, kwé ntse là, mb'a' se' njôge; mèn z'a ke' bam nà, mb'a' se' ngwù ntsha.

¹⁷Tshù ba nsà ts'a nsi tam njam ben tse bo bam nà li: Num lén sàm bo nsi ke ta' ywètkebwô, ke ntshob ntshob nswe.

¹⁸Bo nsi ke ghom nyu mbu; a be ze bo bèn nu mba tsheb là, mb'a ke ghùtni yube. Bo nsi yab mbu mub num ghangokèt, bo yate.

¹⁹Tshùaben Yésu be miagte netshob bo, nko' mfe kamànyam, ntswe num bag bu Nsi ze zwim.

²⁰Bo nèn, ntshob nkùn mebwô ntùm njoṅ dù' fa. Tshùaben nke mfa' bo à bo, mfà neta ntùm ntshob Nsi mi bo ke ntshob là, ntshùa njam nsà ts'a ke ntum bwe là.]