Read Medumba Nebwôgte 34 Bible Online

Nebwôgte 34 - Medumba bible

Nebwôgte 34

¹Mosé lo ntùm ntômbo' mi a Moab là nko' nèn num mbat Nébo, num ntshùa Pisga z'a be mbwe Yériko là. Tshùaben la'te ngô yi fa a yen.

²Nelo Galad nèn nkum Dan, mba ngô Néftali fa, ngô Efraim bo ze Manasé, ze ngô Yuda fa tà nèn nkum dibantse mbinyam,

³mà ntèn, dù' ts'a ghebte Yordan nà, tômbo' Yériko, tusô ntene, tà nèn nkum Tsoar.

⁴Tshùaben tshob yi ndù: Yen ni b'a ngô ze me na' ntshob nsaṅlaṅ num bwe ndù m'a' fà Abraham, Isak mba Yakob là. Me lo tshob ndù m'a fà nzwil i. Me ghù o lo' kua' miag mu njen yi, nda' ndù o ke nsi tsho bwe.

⁵Mosé ngafa' Tshùaben kwù bwe, ntùm ngô Moab, mba Tshùaben tshob là.

⁶Tshùaben tshoṅ i tômbo'o, ntùm ngô Moab, mbwe Bet-Béor. Sàm mèn ke' lèn fi se kà nse' nkum sènni.

⁷Mosé lo be kwù ndù a ghù ngu'njù bon bàa nkù (120). Miag mi lo ke sènte, neta i ke bèn nkôge.

⁸Bon Israél làn Mosé num lé'njù ṅam ntat, mà ntùm ntômbo' mi a Moab là. Tshen lé'njù vù Mosé là mi ndùse bo kum num ndù i là.

⁹Yoshua nshum Nun lo dun ywèt zenu, nummbe Mosé lo yab mbu num tu i. Bon Israél nke nju'ni yi, nke nzin a kua' mba Tshùaben tshob Mosé là.

¹⁰Sàm ta' ngatshob ntshob Nsi ke' bèn nto' tum ntùm ngô Israél mba Mosé, kà bo Tshùaben nke ntshobte se se.

¹¹Sàm mèn ke' ghù nebe mba yi là num njoṅ keki boa nsa tse Nsi tum i ndù a ghù ntùm ngô Egipto là. A ghù ndùlal'a num Faraon, num ghafa' Faraon mba mum ngô Egipto fa.

¹²Mo' sàm ngatshob ntshob Nsi ke' bèn nto' tum nku'ni neghù tshu nekuni tse Mosé na' ngù num miag bon Israél fa là.