Read Medumba Mfa' Ghantum 12 Bible Online

Mfa' Ghantum 12 - Medumba bible

Mfa' Ghantum 12

¹Num yen ngelaṅ nà, mfen Hèrodé to' neghùtni tsemo' benntùn netèt ntse'te benkristô.

²A ghù bo wat Yakobo, mfèt Yohané;

³mbe yen ndù yen nu là bwô ba Yuda, ngù bo tshùb mba Pétro. A na' mb'a lé'njù Pasa.

⁴Ngelaṅ bo tshùb i là, a ma' i ndàtsha, ngù tse soyé kuà ts'a ghù soyé kuà là nke mbéb i, nummbe a lo kô nete i mbwe ngô, ngelaṅ Pasa nsi tôg là.

⁵Ndùlala bo nke mbéb Pétro ntùm ndàtsha, là ntse'te benkristô nke nde'te Nsi num tu i ke bot.

⁶Là, a be tèttswe' ze njù ke ndàn Hèrodé kô nete i mbwe ngô là, Pétro nke nzi netèt soyé bàa ndù bo kul i nkù tùne, ghabéb dù' bàa be nzendà, nke mbéb ndàtsha.

⁷Tshù, mo' Angél Tshùaben ṅwag, mo' nka' nelàn dun ntùm ndàtsha. Angél labte nsa Pétro, ngù a bam. A tshob yi ndù: Lo tù ndende! Nkù tùn kebte mum mbu mi, ngwù nsi.

⁸Angél bèn ntshob yi ndù: Taṅ kob so, nso nketo' mo! Pétro ghù be ndaṅndaṅ. Angél bèn ntshob yi ndù: Ma' kummbaṅ so ntam njam àm!

⁹Pétro tum, ntam njam i ke yoṅ ndèn nenùn ju z'a tshwèt ngù njam Angél là, a kwate ndù a yen à njem.

¹⁰Bo tôg mbwe nzendà ze bo ke mbéb là, a gha' tu wul i mbwe bo. Bo tshùa, nèn nkum num manze; Angél faṅ Pétro be ndùse, nène.

¹¹Pétro yôg ngom wul i, ntshob ndù: Me lèn ndonni kua' nenùn ndù Tshùaben lo ntum Angél i, mbèn nkwé àm mbu Hèrodé mba num nu ze ba Yuda ke mbéb neghù là.

¹²Ngelaṅ z'a lèn ndùlala là, a nèn ndà Maria mà Yohané, ze mo' lén se be Marko, dù' ze ben yàm tse'te bwe, nke nde'te Nsi là.

¹³Pétro se' nke'te nzendà; mo' ngafa' ze mènnzwi lén se Rôde, kù'te nse' nzwi'te,

¹⁴mbe lèn nze Pétro, ntsiaṅte neshu, ndagte mba netsho' nzendà yi, nkù nde mbèn njam, ntshob ndù: Pétro bèn nke nke'te.

¹⁵Bo tshob yi ndù: O b'a mbabune! A bèn ntshob ndù: A b'a nenùne. Bo tshob yi ndù: A b'a Angél i.

¹⁶Pétro bèn nke'te mo' yoṅ i, bo ghab nzendà, njen i, ntù yub tum.

¹⁷A ma'te bu bo ndù bo mi ntswe, nsoṅ yub mba Tshùaben na' ngù kà nsô i ndàtsha là. A bèn ntshob bo ndù: Bin tshob yen nu là Yakobo mba fètfèle. Mbe miagte ntum nèn mo' dù' ghua.

¹⁸Njù be làne, nu tshùa ba soyé num nu z'a tum num Pétro là.

¹⁹Hèrodé z'a tum bo nèn ndiag Pétro ke yen i là, be miagte netôte ghabéb ndàtsha, ntshob bo zwi yube. A lo Yudéa, nèn Késaréa, ntswe bwe.

²⁰Hèrodé lo ke mbàn ba Tiro mba ba Sidon neshu. Tshen ben ni tamte nse' ntshu yub boa Blastô ngabéb ndà mfen tù' ntshù'. Bo nèn ntèt Hèrodé mbètt'é fite, nummbe ngô yub ke njun yub jujù à ntùm ze ngô.

²¹Ntùm lé'njù se bo yab là, Hèrodé ma' tse nzwe fen num i, ntum nsém, ntswe num ko'fen, ntshob nu benntùn.

²²Là benntùn kua' ntshob ndù: A b'a Nsi bèn nke ntshobe, a ke' b'a mènntùn!

²³Là, be kua' ndùse, Angél Tshùaben lab i, nummbe a lo ke fà ghamte Nsi; mbé' fèl i, a kwù.

²⁴Mba ndùlala, ntshob Nsi nke nèn be mbwe yàme.

²⁵Barnaba mba Saulo be miagte fa' se bo tum yub bwe là, ndo Yérusalém, ndo' Yohané ze mo' lén se be Marko là, mbèn njam.