Read Medumba 2 Korintô 2 Bible Online

2 Korintô 2 - Medumba bible

2 Korintô 2

¹Me lo tshob ntùm ntù àm ndù me ke bèn nse' la' bin ntùm ngùtni.

²Nummbe a be ze me tshwèt ngùtni zin nà, mba we z'a ghù nefà tsiaṅte me kà ke b'a mèn ze me ghùtni i l'à?

³Me lo kite yen n'a ndù kà ben tse me tshwèt nywinte tsiaṅte bo là fà ngùtni me, ngelaṅ me nsi se' là, nummbe me tshwèt nywinte ndù tsiaṅt'àm b'a ze njoṅ zin fa.

⁴A b'a nge' yàm mba bwôg yàm ntùm ntù àm na' mbèn ntènt'àm kà me nkite bin ntùm ntsenyà; ke b'a ndù me neghùtni zine, là ndù bin lèn nkôni ze me ghù num bin nà.

⁵A be ze mèn ghùtni là, mb'a ke ghùtni à me; là njoṅ zin fa, num mo' bag i, a ke' bwô netshob yàme,

⁶mba benntùn yàm na' ntshobte yen mèn ni là, a ku'u;

⁷là ndonni a bwô nelagte yi, nke mfite ntù i, mbwôg ndù kà ngùtni yàm ghù yen mèn nà bi.

⁸A ndùlala me tagte zin ndù bin tswite nkôni yi.

⁹Nummbe me lo kite, ndù me laṅte zine, njen a be ze bin ju' ntshu num njoṅ tshu fa là.

¹⁰Mèn ze bin lagte ju yi là, mba me lagte yi. Nummbe ju ze me lagte là, a be ze me lagte ju là, mba me lagt'a num bin, mbwe Kristô.

¹¹Mbwôg ndù kà Satan fùte be, nummbe bag à bin lèn kua' nkwatenu mi.

¹²Ngelaṅ me kum Trôa num nkùn mebwô Kristô, nzendà te nge num Tshùaben nà,

¹³ywèt tshàm ke tswe fite, nummbe me lo ke yen mfèl àm Titô; ndùlala me lé'te yub nèn Makédônia.

¹⁴Ghamte be Nsi z'a num ngù bag à bin nke ntshùa ntsho njam Kristô, mbèn nke ntshùa num be, mfètte njwèt nelèn i njoṅ dù' fa là.

¹⁵Nummbe bag à bin b'a labinda Kristô mbwe Nsi netèt ben tse bo tshwèt njôg là, mba tse bo tshwèt mbi là;

¹⁶a b'a njwèt vù mi a num mfà vù là tsemo'o, mbe njwèt yôg mi a num mfà yôg là tsemo'o. We z'a ku'ni num yen n'à?

¹⁷Bag ke b'a mba ben yàm tse bo num ndo' ntshob Nsi nta ntàn yi là, là, a b'a ntùm nenùne, a b'a num ze tu Nsi mba mbwe Nsi ze bag num ntshob num Kristô là.