Read Medumba 2 Korintô 6 Bible Online

2 Korintô 6 - Medumba bible

2 Korintô 6

¹Ndùlala, mba bag b'a shunfa' tse là, bag tshwèt ntagte zin ndù kà bin kwé kondèn Nsi à banban.

²Nummbe a tshob ndù: Me lo ju' o num ngelaṅ z'a ku'ni là, me lo ywimt'o mum lé'njù yôg. Tshù, ndonni b'a ngelaṅ z'a ku'ni là; tshù, ndonni b'a lé'njù yôg!

³Bag ke' be fà sàm ju fa'te sàm mèn, mbwôg ndù kà fa' sag tù' ju tshabte,

⁴là num njoṅ tshu fa, bag num nda'te wut yag mba kua' ghafa' Nsi là, ntshùa ntùm nefènte ze ndùb ntùm nge', ntùm nebwoṅe, ntùm zwentù,

⁵tun nshua' ntùm ndàtsha, ntùm tshu'tu, ntùm fa' neshu, ntùm nezi tshùalo, ntùm netswe nziku'u,

⁶ntùm nelàne, ntùm nelène, ntùm nefènte, ntùm bwôntù, ntùm Ywèt Nelàne, ntùm nkôni z'a ke' ghù nkùnkù là,

⁷ntùm ntshob nenùne, ntùm neta Nsi, njam tshu ntsho nunetsin tse bu zwim mba tse bu kwéb,

⁸njam ghamte mba tuswe, njam lén kebwô mba lén mebwô, bo num ndo' yag mba ghavù ntsha là, là ndù bag b'a ben nenùne,

⁹mba ben tse bo ke' lèn yub là, là ndù bo lèn yage, mba ben tse bo kwù là, là ndù bag b'a kua' ntùn, mba ghavù ntsha là, là ndù bo ke' zwi yage,

¹⁰mba ben nenywin nà, là ndù bag num ntsiaṅte njoṅ ngelaṅ fa; mba bwoṅbwoṅ nà, là ndù bag nabte ghankàb yàme, mba ben tse bo ke' ghù sàm ju là, là ndù bag ghù njoṅ tshu fa.

¹¹Ba Korintô, ntshu yag lo te nge num bin, ntù yag gha' nte nge,

¹²là tu wut tsin bin nke memte wut tsine.

¹³Bin ghù bag mba bag num ngù bin nà; me ke ntshob bin à mba bon tshàm nà, mba bin zin, bin gha' nte nge!

¹⁴Kà bin à ben tse bo ke' bam nà tamte ntsho ntùm kele' ntshù'. Be nunetsin mba nuketsin tsho shun ké? Be nka' mba njam tamte ntùm nu ké?

¹⁵Be Kristô mba Bèlial be ntshu ntshù' ké? Be mèn z'a bam nà mba mèn z'a ke' bam nà tsho shun ké?

¹⁶Be ndà Nsi mba nsi neto wat kàn ké? Nummbe bag à bin b'a ndà Nsi z'a be ntùn nà, ndaṅndaṅ mba Nsi tshob ndù: Me nsi tswe netèt bo, me nsi b'a Nsi yub, bo nsi b'a nzwil àm.

¹⁷A ndùlala, Tshùaben tshob ndù: Bin tum netèt bo, ntsin tù' bin; kà bin kwag ju z'a sagte là;

¹⁸Tshùaben ngatô njù tshob ndù: Tu wul àm, me nsi lo' zine, me nsi b'a Tà zin, bin be bon tshàm tse bandum mba tse bènnzwi.