Read Medumba Galatia 6 Bible Online

Galatia 6 - Medumba bible

Galatia 6

¹Fèt tshàm, a be ze bo tshùb mèn a nke mfàn nu là, bin tse bin ghù Ywèt là, bin tsiagt'é ntùm ywèt nefite; zi tshùalo num tu wul o, mbwôg ndù kà laṅte se' mba wù yu.

²Bin ket lèt bin bin, ndùlala bin nsi ghù ntshù' Kristô bumte.

³A be ze mèn kwate ndù a b'a mèn, là ndù a ke' b'a sàm ju là, mb'a ke ntatt'a tu wul i.

⁴Mba we lo laṅte ko' se fa' kà njen tunu nta'nsoṅ num tu wul i, ke b'a num mo' mèn;

⁵nummbe mba we lo nsi ket ze ko' lèt.

⁶A bwô ndù ngazi'te ntshob Nsi ghù ndù ngatswit'é ghù ze bag i ntùm njoṅ tshu tse tse mebwô fa.

⁷Kà bin fùte wut tsine, be mèn ke ku'ni netshabte Nsi. Nummbe ju ze mèn ywit là, b'a ju z'a nsi tsho' là.

⁸Mèn z'a ywit ntùm mbàb wul i là nsi tsho' ju nebagte ntùm mbàb wut; là mèn z'a ywit ntùm Ywèt là nsi tsho' yôg matmat ntùm Ywèle.

⁹Kà bag à bin bot neghù numebwô; nummbe bag à bin nsi tsho' num ngelaṅ z'a ku'ni là, a be ze be ke' bwoṅ neta là.

¹⁰Ndùlala, mba be ghù ngelaṅ nà, be ghù numebwô njoṅ benntùn fa, njôg mbe, ba ndà bamntù.

¹¹Bin lôte njene, me bèn nkite men miag ṅwa'ni ndùb li bin kua' ko' bu àm.

¹²Ben tse bo num nkô se mebwô ntùm mfa' mbàb wut là, num ntènte zin ndù bin si ket, bo ke mbwôg à nda' ndù kà bo tsho' nku mub kebàn num fanta'tù Kristô.

¹³Nummbe mba ben tse bo si ket là ke' be ze ntshù'; là bo ke nkô à ndù bin si ket, ndùlala ndù bo ta' nsoṅ num mbàb wut zin.

¹⁴Mba me là, me ke tshwèt nta' nsoṅ num sàm ju, mb'a b'a nda' num fanta'tù Tshùaben be Yésu Kristô, num yàm tu, bo lo kwimte njù num fanta'tù, mba bo na' nkwimte mba tu wul àm num fanta'tù num njù là.

¹⁵Nummbe nesi ket ke nebe ke si ket lo ke b'a sàm ju, là, a bwô mèn be mèn nswe.

¹⁶Ben tse bo nsi zin num yen mfi' li là, fite mba kondèn be num bo mba num Israél Nsi.

¹⁷Ndonni kà sàm mèn bèn ngùtni àm, nummbe nsa' Kristô num num àm.

¹⁸Fèt tshàm, kondèn Tshùaben be Yésu Kristô be boa ywèt tsine. Amén!