Read Medumba Efésô 2 Bible Online

Efésô 2 - Medumba bible

Efésô 2

¹Mba bin tse bin na' mbe ben nekwù ntùm mfànnu min mba ntùm nukebwô tsine,

²tse bin ke nzin ntùm bwe ngelaṅ mbwe, ntam njam nzin yen njù li, njam mfen z'a ghù ngù' num mfùag, Ywèt ts'a tshwèt mfa' ndonni num bon tatu là,

³mba bag yag lo be netèt tshen ben nà, njoṅ yag fa lo ke njôg ngelaṅ mbwe ntùm ba ghe'te mbàb wut yag, nke ngù tshu tse mbàb wut mba nkwate nukebwô kô là, ntùm neyene, mba bag yag na' mb'a bon yantù mba tsemo' ben nà.

⁴Là Nsi la'te kondèn ndùb be num nkôni i ze ndùb z'a kô be yi là;

⁵ngelaṅ bag à bin na' mbe ben nekwù ntùm mfànnu be là, a lo ghù bag à bin Kristô yôg, kondèn na' mbèn njôg zine

⁶a lo bam be bag à bin bo num vù, ngù bag à bin tswe nsi mfe kamànyam num Kristô Yésu,

⁷ndùlala ndù a la'te kondèn i ze ndùb z'a tshùate là ntùm bwôntù i z'a ghù num be num Kristô Yésu là; num ngelaṅ z'a nsi se' là.

⁸Nummbe kondèn na' mbèn njôg zin njam bamntù; yen ni ke fe à bin, a b'a ju Nsi num mfà là;

⁹a ke b'a num mfa', ndùlala ndù kà sàm mèn ta' nsoṅe,

¹⁰nummbe bag à bin b'a ju ze Nsi nabte là, ndù a lo nabte be à num Kristô Yésu num mfa' mebwô mi a nabte tà fe mbwe, ndù bag à bin ke nzin ntùm bwe là.

¹¹Bin ghakelèn Nsi ntùm mbàb wut, (ben tse bo num ntsiaṅ yub ba kesi ket là, ndù mènntùn bèn nsi ntùm mbàb wut là, lo ke ntsiaṅ zin ba kesi ket) bin kwimte ,

¹²ndù a lo be num yen ngelaṅ nà bin à Kristô ke bèn mbe; bin na' mb'a mfàm netèt Israél, mbe ghùn num kàn nka'ni, ke ke nywinte, ke ghù Nsi ntùm njù.

¹³Là ndonni num Kristô Yésu, bin tse bin na' mbe ngùanesà mbwe là, lem Kristô lo ghù bin ghebte,

¹⁴nummbe tu wul i b'a fite be; a lo' bàa ngù ntshù' yi; a sate kàb fagte, kebàn, ntùm mbàb wul i;

¹⁵a biagte ntshù' mba tshu ts'a num ntshù' là ntùm njoṅ i fa, ndùlala ndù a lo' bàa nabte ta' mèn nswe yi, mba ndù a fà fite,

¹⁶ntamte yub bàa num ta' wut ntshù' boa Nsi njam fanta'tù: A zwi kebàn num i.

¹⁷A lo se' ntshob fite be, bin tse bin na' mbe ngùanesà là mba ben tse bo na' ngebte là,

¹⁸nummbe a lo ghù ntù ben bàa tshùa num ta' Ywèt ntshù' nèn mbaṅ Tà.

¹⁹Ndùlala, bin ke' bèn mb'a ba ghùn ke tswe bon no, là bin b'a bonla' bin à ben nelàne, mbèn mbe ba Ndà Nsi;

²⁰bo na' nkut zin à num tseba' ghantum Nsi boa ghatshob ntshob Nsi, tu wut Kristô Yésu b'a loṅ tôgba';

²¹njoṅ ba' fa bo kut num i mb'a ku'ni là, num nku'u, ntù' Ndà Nsi nelàn num Tshùaben;

²²bo kut mba bin zin num i ndù bin tù' dù'ntswe Nsi ntùm Ywèle.