Read Medumba Efésô 6 Bible Online

Efésô 6 - Medumba bible

Efésô 6

¹Bônke', bin ke nju' ntshu tà tsin mba mà tsine, num Tshùaben; nummbe yen nà tsin.

²Ke nku'ni tàan mba màan (yen ni b'a mbwe ntshù' ntùm nka'ni)

³ndùlala ndù o tswe mebwô, mbèn njôg num tsha' ngelaṅ yàme.

⁴Ba tà, kà bin kag yantù ntù bon tsine, là bin tshagte yub ntùm neju' ntshu mba ntùm ntag Tshùaben.

⁵Ba kuan, bin ke nju' ntshu tà tsin tse mbàb wut ntùm nebwôge, mba nevètte, bin ke nju'ni bo ntù mebwô mba bin ke nju'ni Kristô là,

⁶kà bin fa' à nda' num miag mba bin ke ndiag nebwô à benntùn nà, là bin fa' mba kuan Kristô là, nke ngù ze nekô Nsi njoṅ ntù tsin fa;

⁷bin ke mfa' ntùm ntù mebwô ndaṅndaṅ mba bin fa' à Tshùaben, ke b'a benntùn nà,

⁸ndèn ndù mba we lo nsi kwé ntsho'fa' num fa' s'a fa' là Tshùaben, k'a b'a nkuan ke mèn z'a tswe ze tu lo.

⁹Mba bin ba tà, bin ke ngù be ndaṅndaṅ num bo, bin ma' tshùag nsi, ndèn ndù Tà yub mba zin b'a mfe kamànyam, mba ndù netôte ke' be mbwe i.

¹⁰Njôg mbe, bin be ben neta num Tshùaben mba ntùm ngù' neta i.

¹¹Bin ma' tshu ntsho Nsi num bin ndù bin ku'ni netsin mbwe fùte Satan.

¹²Nummbe bag à bin ke ke ma' à lem mba mbàb ntsho, là ba netô, ba ngù', ba tà njù njame, mba ba ywètkebwô tse bo be mfe kamànyam nà.

¹³Ndùlala, bin tshùb tshu ntsho Nsi, ndù bin ku'ni nesag ntù mum lé'njù kebwô, ngù njoṅ i fa, mbèn ntsin tù.

¹⁴Ndùlala, bin tsin tù, ntaṅ kob tun bin, ma' tshètntsho nunetsin num bin,

¹⁵nenànte netshob nkùn mebwô fite be nketo' mine;

¹⁶num njoṅ i fa, bin tshùb tshètntsho bamntù ze bin nsi lo' biagte njoṅ nkét mbwôg mèn kebwô yi fa là.

¹⁷Bin lo' ba tshe' tu yôg, mba ṅwi Ywèle, z'a be ntshob Nsi là.

¹⁸Bin fà wut tsin ntùm nzenze le'te Nsi mba nele'te, nke nde'te Nsi njoṅ ngelaṅ fa ntùm Ywèle; bin zi tshùalo num bwe ntùm njoṅ nekagtùn fa, nke nde'te Nsi num njoṅ ben nelàn fa,

¹⁹mba num àm yàm, ndùlala ndù Nsi fà ntshob me ndù me soṅ tsham nkùn mebwô ke bwôg, ngelaṅ me gha' ntshu àm nà;

²⁰nummbe me b'a nganze nkùn mebwô ntùm nkù, bin le'te Nsi ndù me tshob i ke bwôg, mb'a bwô ndù me tshob là.

²¹A bwô ndù mba bin zin lèn mba me be là, mba ju ze me tshwèt ngù là: Tikikô mfèt be ze nkôni z'a be ngafa' ze nenùn num Tshùaben nà, nsi soṅ zin njoṅ i fa,

²²me tum i bin à num bwe, ndù bin lèn tshag tshô mba ndù a fite ntù tsine.

²³Fite mba nkôni boa bamntù z'a fe Nsi Tà mba Tshùaben Yésu Kristô là be fètfèle!

²⁴Kondèn be boa njoṅ benntùn fa tse bo num nkô Tshùaben be Yésu Kristô ntùm nkôni z'a ke' be mi là.