Read Medumba Filipi 4 Bible Online

Filipi 4 - Medumba bible

Filipi 4

¹Fèt tshàm tse nkôni, tse me tshwèt nkù ntù num bo là, tsiaṅt'àm mba tshe'ngu' sàm, fèt tshàm tse nkôni, bin tsin tù num Tshùaben.

²Me le'te Evôdia, me le'te Sintiké ndù bo ghù nkwate ntshù' num Tshùaben.

³Ṅ, me bètt'o, wù ko' nshunfa' àm ndù o ywimte tshen bènnzwi là; bo lo le' ntsho num nu nkùn mebwô, bag à bo mba Klément mba tsemo' shun fa' tshàm tse ndèn mub be ntùm ṅwa'ni yôg là.

⁴Bin tsiaṅte num Tshùaben njoṅ ngelaṅ fa, me tshob bin mo' yoṅ i ndù bin tsiaṅte!

⁵A bwô ndù njoṅ benntùn fa lèn bwôntù zine. Tshùaben ghebte.

⁶Kà bin nywin num sàm ju, là njoṅ ngelaṅ fa, bin tshùa njam le'te Nsi, le'te boa neghamte ntshob tshu ts'a bwoṅ bin nà Nsi.

⁷Fite Nsi z'a tshùa njoṅ zenu fa là nsi béb ntù tsin mba nkwatenu min num Kristô Yésu.

⁸Fèt tshàm, ndonni njoṅ tshu nenùn fa, njoṅ tshu neghamte fa, njoṅ tshu netsin fa, njoṅ tshu nelàn fa, njoṅ tshu nkôni fa, njoṅ tshu ntshob mebwô fa, a be ze ju bwô là, a be ze ju ku'ni nenyàmte là, bin kwate tshen tshu là.

⁹Tshu tse bin na' nzi'te, nkwé, nju'u, mbèn njen num àm nà, bin ze tshen tshu là. Ndùlala bin à Nsi fite nsi be.

¹⁰Me tsiaṅte num Tshùaben neshu mba nkôni zin num àm bèn ntob nkaṅ nà; bin lo ghù nkwate yen nu là, là manze ke yoṅ ntume.

¹¹Me ke' tshob yen n'a num ju z'a tsi me là, nummbe me zi'te netswe num njoṅ ju ze me ghù là.

¹²Me lèn neyôg ntùm bwoṅ, mbèn ndèn neyôg ntùm fu', njoṅ ngelaṅ fa mba num njoṅ tshu fa, me zi'te neywèle, netswe nziku'u, neghù fu' mba nebwoṅe.

¹³Me ku'ni neghù njoṅ i fa njam mèn z'a num mfà neta me là.

¹⁴Mba ndùlala bin lo ghù a bwô mba bag à bin tamte num nge' àm nà.

¹⁵Bin ba Filipi, bin lèn ndù fe ngelaṅ me to' netshob nkùn mebwô là, ngelaṅ me lo Makédônia là, bag sàm ntse'te benkristô lo ke gha' ṅwa'ni nkàb, mb'a nda' bin.

¹⁶Ngelaṅ me na' mbe Tésalônikà là, bin lo tum ywimte me mbwe i, mba mbatte yoṅ bàa.

¹⁷A ke b'a ndù me ke ndiag à nda', là me ke ndiag à ntàm yàm num zin ṅwa'ni njo.

¹⁸Me ghù njoṅ z'a ku'ni là, me b'a ntùm fu', me dun, nummbe Epafrôditô fà ywimte zin me, a b'a labinda z'a lamte mebwô là, a b'a ju nele'te Nsi ze Nsi bame, z'a bwô Nsi là.

¹⁹Nsi àm nsi zwiagte tshu ts'a bwoṅ bin nà ntùm nkuni mi mi ndùb num Kristô Yésu.

²⁰Ghamte be Nsi mba Tà be ngu'ngu'. Amén.

²¹Bin tsha'te mba zit mèn nelàn no num Kristô Yésu. Fètfèt tse bag à bo be là tsha'te zine.

²²Njoṅ ben nelàn fa tsha'te zine, njôg mbe ben tse bo be ndà kàsà là.

²³Kondèn Tshùaben Yésu Kristô be boa ywèt tsine.