Read Medumba 1 Tésalônikà 5 Bible Online

1 Tésalônikà 5 - Medumba bible

1 Tésalônikà 5

¹Fèt tshag, mbe se' mba ngelaṅ mba ntswe'njù là, a ke' ywimte ndù bag kit'é bin.

²Nummbe mba tu wut tsin lèn kua' mebwô ndù lé'njù Tshùaben nsi se' mba ntshô là ngelaṅ tèttswe'.

³Ngelaṅ ze bo nsi tshob ndù: Fite mba la' be tshaṅ nà, be ndùse nebagte nsi se' num bo ndende mba ya nebwe be nse' num mènnzwi jùm nà, bo ke nsi kù kà tume.

⁴Fèt tshag, mba bin nà, bin ke b'a ntùm njame, ndù sen lé'njù là ghom zin mba ntshô là.

⁵Nummbe njoṅ zin fa b'a bon nka', mbe bon mbwôgtshù; bag à bin ke b'a bon tèttswe' ke bon njam no,

⁶ndùlala kà bag à bin zi mba tsemo' ben nà, là bag à bin zi tshùalo, nke nzete.

⁷Nummbe ben tse bo num nzi là, ke nzi à tèttswe', ben tse bo num mbum ndu' là, nke mbum ndu' à tèttswe'.

⁸Là mba bag à bin b'a ba mbwôgtshù là, bag à bin zete, ma' tshètntsho bamntù mba tshètntsho nkôni, nte tshe' nenywinte yôg;

⁹nummbe Nsi lo ke yab be à num yantù, là a lo yab be à ndù be kwé yôg njam Tshùaben be Yésu Kristô,

¹⁰z'a kwù num tu be, ndù be yôg bag à bin bo, ke ntùm tshùalo, ke ntùm nezi lo là.

¹¹A ndùlala, bin tswe'te ntù tsin bin bin, nkut wut tsin bin bin, mba bin à ke ngù là.

¹²Fèt tshag, bag le'te zine, bin ghù nkwate num ben tse bo tshwèt mfa' netèt bin, tse bo be ghakwé mbwe bin num Tshùaben, nke ntagte zin nà.

¹³Bin lo' yub kua' mebwô ntùm nkôni z'a tshùate là, num fa' sube. Bin ghù fite netèt bin.

¹⁴Fèt tshag, bag tsiaṅ zine, bin tagte ntshagntshag benntùn, bin fà fènntù ben nebole, bin tomte ben nebole, bin fènte njoṅ benntùn fa.

¹⁵Bin bam nà, kà sàm mèn ba' nukebwô nukebwô, là bin kagtùn neghù numebwô njoṅ ngelaṅ fa netèt bin, mba num njoṅ benntùn fa.

¹⁶Bin ke ntsiaṅte njoṅ ngelaṅ fa,

¹⁷nke nde'te Nsi ke tsin.

¹⁸Bin labte Nsi num njoṅ i fa, nummbe a b'a ju ze Nsi kô, nke mbètte zin yi num Kristô Yésu là.

¹⁹Kà bin biagte Ywèle,

²⁰kà bin wag ntshob ghatshob ntshob Nsi.

²¹Bin laṅte njoṅ tshu fa ntshùb z'a bwô là.

²²Bin kù njoṅ nzenze nukebwô fa.

²³A bwô ndù tu wut Nsi fite lànte zin miagte, mbèn ndem njoṅ zin nebe fa, Ywèle, ntù mba wut ndù a be ke lo' ntùm lé'njù se Tshùaben be Yésu Kristô nsi se' ntùm nkuni mi là.

²⁴Mèn z'a tsiaṅ zin nà b'a mèn nenùne, a nsi ghù a bumte.

²⁵Fèt tshag, bin le'te Nsi num bag.

²⁶Bin tsha'te njoṅ fètfèt fa ntùm nenyô nge' ze nelàne.

²⁷Me bètte zin num lén Tshùaben ndù bin ghù fètfèt siaṅ njoṅ yen ṅwa'ni li fa.

²⁸Kondèn Tshùaben be Yésu Kristô be bin!