Read Medumba Yoshua 16 Bible Online

Yoshua 16 - Medumba bible

Yoshua 16

¹Tsha' tse tô na' mfà tse bon Yosèf là ke nto' à ntumnyam, Yordan z'a Yériko là nèn nze num ntse Yériko, nèn nze kônkwa z'a be nko' Yériko nkum num mbat Bétél là.

²Ndùnsi lo ke nèn mbwe Bétél nkum Luz, ntshùa num ndùnsi Arkia, ntôg à Atarot.

³Ndùnsi lo ke ndo bwe nswe' mbinyam nèn nze ndùnsi ba Yaflét tà nkum num ze Bét-Horon z'a mà tun nà; nkum Guézer, nswe' ndùlala tà nkum dibantse.

⁴A bwe là ze bon Yosèf, Manasé bo Efraim kwé mub ntsi' là.

⁵Tshù tse tsha' bon Efraim ni, ndaṅndaṅ mba tshob tunndà be là. Ndùnsi mub ntsi' lo be ntumnyam mb'a Atarot-Addar tà nkum Bét-Horon z'a mfe tu là.

⁶A lo ke nswe' mbinyam nèn nze Mikmetat, z'a tu là; ndo bwe ntshùa ntumnyam nze Taanat-Silo, ntôg bwe ntshùa Yanoash kà nkum ntumnyam.

⁷Ndùnsi lo ke ndo Yanoash nswe' Atarot bo Naarata, nkwag Yériko nzin ndùlala tà nkum Yordan.

⁸A lo ke ndo Tappuash nèn nze mbinyam nkum fub Kana kà ṅwag dibantse. Tshù mba mi ntsi' nzwit bon Efraim be là, ndaṅndaṅ mba tshob tunndà be là.

⁹Bon Efraim lo ghù memo' ntusô boa ntaṅla' netèt mi ntsi' bon Manasé, ndaṅndaṅ mba tshob tunndà be là.

¹⁰Bo lo ke ta' ba Kanaan tse bo ke ntswe Guézer là; ba Kanaan be nke nke' ntswe netèt Efraim tà nkum sènni; là, bo be nke nke' mfa' bo njoṅ ndù fa.